Cal é a dose segura dun medicamento fronte a candidiase ou outras infeccións fúnxicas? A USC vén de iniciar unha colaboración co laboratorio farmacéutico Labiana (especializado en saúde animal e humana), co obxectivo de estudar como mellorar a diodisponibilidade de medicamentos antiinfecciosos e optimizar así o réxime de dosificación mantendo as súas propeidades e efectividade.
A finalizade desta colaboración, explican, é fomentar un uso prudente dos fármacos fronte as infeccións evitando así a exposición innecesaria destes principios activos, A cal motivou no pasado unha das problemáticas máis importantes que enfrontará a humanidade: a resistencia bacteriana.
Unha experiencia dilatada no tempo
O estudo desenvolverase na USC a través do grupo de investigación Paraquasil, formado por un equipo multidisciplinar que traballa en distintos campos relacionados coa área da saúde. Entre eles están o desenvolvemento de novos sistemas de liberación e medicamentos adaptados ás problemáticas dalgúns fármacos, como é o caso da colaboración con Labiana.
O catedrático da Facultade de Farmacia Francisco Javier Otero Espinar explica que “temos moita experiencia en colaboración coa industria farmacéutica e varios produtos desenvolvidos polo grupo estanse a utilizar para o tratamento de patoloxías”.
Agora, este novo proxecto “pretende mellorar a efectividade e a seguridade de tratamentos con antifúnxicos, fármacos que teñen asociados importantes efectos non desexados, mediante o desenvolvemento dun sistema de liberación avanzado”.
Como o farán? Pois a través de formulacións que conseguen unha acción prolongada e unha actividade antibacteriana sostida, o cal permite reducir a dose administrada.
Segundo Fran Fernández Campos, doutor en Farmacia e director de I+D en Labiana, “esta liña de traballo cunha entidade pioneira en investigación farmacéutica como a USC upón unha colaboración estratéxica en aras de engadir valor e achegarnos máis a ese uso prudente dos medicamentos”.
O mal emprego dos medicamentos é unha problemática mundial, tanto nos ámbitos da saúde humana como na animal, e son moitos os esforzos colectivos que se están a facer para frear a resistencias dos microorganismos aos medicamentos. Segundo estima OMS, para o ano 2050 é moi posible que esta resistencia cause máis mortes no mundo que outras enfermidades como o cancro.
Máis novas relacionadas:
