Durante esta semana, Galicia está a vivir unha onda de calor. De luns a domingo, as temperaturas superarán os 30 graos na zona de Pontevedra, o que xera preocupación pola saúde pública. O Ministerio de Sanidade alerta do alto risco por calor nas Rías Baixas e o Baixo Miño, converténdose na única área con esta categoría en España.
Os datos, facilitados por Meteosalud, baséanse na superación dos umbrais de temperatura máxima establecidos para avaliar o impacto na saúde. É dicir, son aquelas temperaturas a partir das que se detecta un aumento significativo da mortalidade relacionado coa calor. Se a temperatura máxima prevista supera eses umbrais, xérase unha alerta.
O nivel de risco determínase en función de canto e durante cantos días seguidos a temperatura máxima prevista supera o umbral establecido en cada zona. O risco baixo (Nivel 1) indica que a temperatura supera lixeiramente o umbral, cun exceso acumulado en tres días igual ou inferior a 3°C. O risco medio (Nivel 2) corresponde a un exceso acumulado entre 4°C e 6°C. Finalmente, o risco alto (Nivel 3), no que se atopan actualmente as Rías Baixas, significa que o exceso total supera os 6°C durante tres días consecutivos.
Pontevedra, foco da calor
As dúas zonas marcadas en vermello no mapa facilitado polo Ministerio de Sanidade sinalan as Rías Baixas e o Baixo Miño como as áreas máis perigosas do país segundo a calor á que se está acostumado. O umbral de temperatura nas Rías Baixas de Pontevedra establécese en 29,5°C, mentres que no Baixo Miño, o percentil provincial fixa o umbral en 31,1°C.
Con todo, estes días as temperaturas nesta zona de Galicia están a ser moi elevadas. Na costa pontevedresa, as máximas oscilarán entre os 32,1°C e os 35,9°C dende hoxe ata o domingo 3 de agosto, superando o umbral de temperatura en máis de 6°C. Pola súa banda, as mínimas previstas no mesmo período situaranse entre 16,9°C e 17,9°C.
No caso da comarca do Baixo Miño, que inclúe A Guarda, O Rosal, Oia, Tomiño e Tui, as máximas serán aínda máis extremas, oscilando entre 35°C e 37,7°C. Non obstante, a diferenza entre as temperaturas máximas e mínimas é maior que nas Rías Baixas, con mínimas que varían entre 15,1°C e 17,5°C. Esta diferenza podería alcanzar os 20 graos.
Un baixo risco no interior
Xunto á Meseta de Salamanca, algunhas zonas da provincia de Extremadura, a Serra de San Vicente e a campiña sevillana, áreas que teñen umbrais de temperatura significativamente máis altos que Galicia, atópase tamén o interior de Pontevedra. Todas estas rexións presentan actualmente un risco baixo para a saúde debido á calor.
Nas terras do interior de Pontevedra, afastadas da costa, as temperaturas máximas para o período do 30 de xullo ao 3 de agosto oscilarán entre 33°C e 38,6°C, segundo as previsións de Meteosalud. As mínimas serán máis baixas que nas zonas costeiras, sitúandose entre 10,8°C e 14°C. O umbral de temperatura máxima para esta zona é de 33,3°C, segundo a AEMET.
A día de hoxe, o nivel de risco é baixo, pero espérase un aumento de dous niveis para o 1 de agosto debido ao incremento das temperaturas.
“Goza este verán con saúde”
No marco do Plan Nacional de actuacións preventivas dos efectos do exceso de temperatura sobre a saúde, o Ministerio de Sanidade lanza o décalogo “Goza este verán con saúde”, onde se recollen os principais consellos para protexerse das altas temperaturas.
Entre as recomendacións, destaca beber auga e líquidos con frecuencia, mesmo sen sentir sede. É importante evitar as bebidas con cafeína, alcol ou moi azucradas, xa que poden favorecer a deshidratación.
Nas zonas de alto risco, hai que prestar especial atención a bebés e nenos, mulleres embarazadas, persoas maiores ou con enfermidades que poidan empeorar coa calor, como problemas cardíacos ou hipertensión. Nestas circunstancias, o máis recomendable é permanecer o maior tempo posible á sombra ou en espazos climatizados, e gardar as medicinas en sitios frescos. Nunca se debe deixar a ningunha persoa nun vehículo estacionado ou pechado.
E aínda que o verán invita a saír, convén reducir a actividade física e evitar deportes ao sol nas horas centrais do día. Ademais, ao saír á rúa, escolle roupa que permita transpirar e opta por comidas frescas, como ensaladas, froitas ou verduras, que axudan a repoñer as sales minerais perdidas coa suor. Con todo, se experimentas síntomas relacionados coa calor que persisten máis dunha hora, o mellor é consultar con profesionais sanitarios.
