Aviso amarelo por treboadas e pedrazo en Lugo e Ourense

Aviso amarelo por fortes choivas e treboadas nas provincias de Lugo e Ourense para o serán tanto deste sábado coma do domingo. Uns fenómenos atmosféricos que virán acompañados de ocasionais precipitación de sarabia, con pezas de xeo que poden alcanzar os dous centímetros de diámetro.

A Axencia Estatal de Meteoroloxía (AEMET) activou estes avisos amarelos, que estarán vixentes de 16.00 a 22.00 horas tanto da xornada do sábado como da do domingo.

Publicidade

Estas treboadas con aparición de xeo están provocadas por unha situación intermedia entre as altas e as baixas presións, que provocará unha forte inestabilidade atmosférica, máis acusadas nas dúas provincias orientais de Galicia. Así, os ceos permanecerán con nubes e claros en xeral, tanto o sábado como o domingo, con formación de chuvascos pola tarde localmente tormentosos, máis probables e intensos no interior. Brétemas costeiras que se irán disipando co avance do día. As temperaturas mínimas ascenderán lixeiramente mentres que as máximas sufrirán un lixeiro descenso. O vento soprará frouxo de dirección variable.

#PredicciónAEMET
Anomalías de🌧️y🌡️próximas 3 semanas. Tonos verdes/lilas,🌧️encima/debajo de lo normal. Tonos ocres/azules,🌡️superiores/inferiores a las normales.
La llegada de #junio viene con un vuelco a condiciones +húmedas y frías de lo normalhttps://t.co/xwiJ3Ua5FA pic.twitter.com/VElK7jA0eK

— AEMET / #QuédateEnCasa (@AEMET_Esp) May 29, 2020

Para a vindeira semana, espérase un cambio notable na meteoroloxía. De xornadas propias do verán, con altas temperaturas, que bateron varias marcas en zonas como Pontevedra e o Barbanza, Galicia volverá a unha situación primaveral, por momentos máis propia do comezo da estación, con máximas que non subirán dos 18 graos e mínimas por baixo dos 14 mesmo nas zonas máis mornas do país.

Publicidade

Das noites tropicais, nas que o termómetro non baixou dos 20 graos en varios puntos de Galicia, pasaremos a temperaturas máis baixas e a un panorama xeral de precipitacións na vindeira semana.