Un novo falecemento por Covid-19 tinxe de loito a estatística da pandemia do coronavirus en Galicia, despois dunha serie de tres días seguidos sen que se rexistrase ningunha morte.
O número de enfermos por coronavirus que permanecen nas UCI dos hospitais reduciuse nas últimas 24 horas ao pasar de cinco onte a só tres este sábado. Mentres, un novo falecido elevou o total a 616 tras tres xornadas consecutivas sen alteracións.
Así o confirmou a Consellería de Sanidade por medio do seu balance estatístico diario, no que desagregou a distribución por áreas sanitarias da seguinte forma: 170 concéntranse na área da Coruña, 44 na de Lugo, 82 na de Ourense, 29 na de Pontevedra, 269 na de Vigo, 136 na de Santiago e 19 na de Ferrol.
Do total de pacientes positivos, 3 permanecen en UCI, 36 están en unidades de hospitalización e 710 no domicilio. Polo de agora, en Galicia hai un total de 9.936 persoas curadas, rexistrándose 615 falecementos.
Aquí podes consultar os últimos datos do Ministerio de Sanidade
