A operación saída da comezo co mes de agosto. Os que inician o seu período de vacacións buscan o bo tempo para gozar dos seus días libres. Así, en Galicia, a calor parece manterse unha semana máis con temperaturas moderadas no territorio costeiro, e en aumento no interior. Tras unha fin de semana maioritariamente estable, hoxe luns poderían chegar algúns cambios.
Dende o Atlántico cabe a posibilidade de que se achegue unha nova masa de aire quente e húmido que podería aumentar lixeiramente a inestabilidade. Isto produciríase o martes, cando unha fronte atlántica pouco activa entra por Galicia deixando chuvias na comunidade.
Polo de agora, o territorio galego está a vivir nunha situación intermedia, entre as baixas presións nas Illas Británicas e as altas presións situadas nas Azores. Con todo, o que todo galego quere saber é con que temperaturas poderá contar no período máis esperado do ano.
O inicio de semana
Este luns amence con máis nubes na metade norte e ceos máis abertos no sur. Segundo Meteogalicia, pola tarde os ventos deixarán moita humidade, con brétemas no litoral atlántico e nubes baixas entrando polo oeste, mentres nas provincias de Lugo e Ourense os ceos permanecerán despexados. Á noite cubriranse, con algún orballo durante a madrugada no litoral noroeste.
Con todo, os termómetros non recibirán cambios nas mínimas, mentres que as máximas sufrirán un lixeiro descenso, especialmente no sur. Aínda así, como é habitual, Ourense acadará as cotas máis altas, con 35 °C. Non obstante, a súa mínima será de 17 °C, seguindo a tónica do resto das cidades galegas. As zonas de interior, como Lugo, Santiago de Compostela e Pontevedra tamén acadarán altas temperaturas entre os 28 e 30 graos. Mentres, nas cidades de costa como Vigo, A Coruña ou Ferrol terán temperaturas máis moderadas, arredor dos 25 °C.
Avanzando en días, o martes unha fronte pouco activa chegará a Galicia polo noroeste. Así, predominarán as nubes baixas, con chuvias febles que comezarán polo litoral coruñés e que se desprazarán cara o norte da provincia de Lugo. As máximas descenderán, especialmente na metade norte, pero de xeito moderado. Aos 32 °C chegará en Ourense como máxima, mentres outras zonas do sur do territorio contarán con temperaturas estables, arredor dos 25 graos. Neste contexto, A Coruña e Ferrol terán 22 e 23 graos, respectivamente; iso si, acadando noites tropicais, con 20 °C de mínima na cidade homónima da provincia.
Incerteza cara finais de semana
Ata o mércores non se agarda que a calor acade os termómetros da última ola de calor, pero faltan moitos días e a incertidumbre aumenta. Nun principio, Galicia queda na influencia das altas presións, con réxime de ventos do nordés. Así, amanecerase con bancos de néboa en determinadas zonas do interior e intervalos de nubes baixas no terzo norte. Co avance da mañá, os ceos quedarán pouco nubrados, permanecendo as nubes baixas no norte da provincia de Lugo.
As temperaturas mínimas sufrirán un lixeiro descenso, mentres que as máximas ascenderán. Deste xeito, as cousas comezan a mellorar na metade de semana. Vigo, Pontevedra e Ourense, as tres do sur galego, liderarán os termómetros acadando, e nalgún caso superando, os 30 °C. Mentres, o norte manteranse en torno aos 25 graos, como na Coruña ou Ferrol.
Con todo, Marta Almarcha, dende Eltiempo.es, asegura que aínda hai que estar atentos en canto ás tormentas que poderían formarse no día de hoxe e desta posible fronte atlántico, que entraría por Galicia.
