A última semana de outubro en Galicia estará marcada pola estabilidade e chuvias puntuais a causa da entrada de novas frontes atlánticas. O luns 26 de outubro a comunidade será unha das áreas da península con maior presenza de nubes, sen descartar precipitacións febles. O temporal, segundo informan dende MeteoGalicia, concentrarase no mar da Costa da Morte e Coruña, onde establecen alerta amarela por ondas superiores aos catro metros durante martes e mércores.
As precipitacións seguirán sendo escasas en boa parte do país, con maior probabilidade de chuvia en Galicia e o Cantábrico. Unha fronte chegará a estas zonas durante a xornada do martes, con chuvias febles e moderadas e unha baixada das temperaturas. No oeste de Galicia poderían acumularse localmente ata 20 l/m2. MeteoGalicia recolle probabilidades de ocorrencia o día de ata o 95% para este día nos sete concellos principais de Galicia, que se reducen ao 5-10% cara a finais de semana. Isto compleméntase co anuncio no seu perfil da rede social X: “Dende o mércores, volve a influencia anticiclónica“.
