Un grupo de candorcas (Orcinus orca) foi avistado esta fin de semana en augas da Rías Baixas, provocando que Salvamento Marítimo emitise un comunicado a todas as embarcacións para previr o encontro con este cetáceo, o de maior tamaño dentro dos considerados ‘golfiños oceánicos‘.
“Solicítase a todas as embarcacións que, en caso de avistamento, non tenten aproximarse, dean amplo resgardo e informen á estación costeira máis próxima ou a Salvamento Marítimo Fisterra“, di o comunicado emitido tamén por radio para previr do contacto con estes animais que miden máis de dez metros e que nos últimos anos comezan a ser vistos en augas de Galicia.
Atopan unha balea azul e catro rorcuais alimentándose fronte a Sálvora
A Coordinadora para o Estudo dos Mamíferos Mariños (CEMMA) xa detectara no ano 2019 a presenza de candorcas nas augas de Galicia, dentro da súa migración anual dende as augas mornas do golfo de Cádiz ata máis altas latitudes aínda que se descoñece o seu destino final.
O ano pasado, o avistamento da CEMMA foi rexistrado á altura de cabo Touriñán, xa na Costa da Morte, pero houbo testemuñas do seu paso polas rías de Vigo, Pontevedra e Arousa, aínda qe se descoñece se chegaron a adentrarse nelas.
O vídeo do incidente entre candorcas e un veleiro nas Rías Baixas
A candorca, coñecida en castelán como orca, é un cetáceo, e o animal de maior tamaño da familia dos delfínidos, polo que na linguaxe común debería ser considerado como unha especie de golfiño e non de balea. Teñen un corpo pesado e groso, o lombo de cor negra e o ventre branco, ademais de manchas da mesma cor xunto aos ollos. Os machos das candorcas poden chegar a medir 9 metros e pesar 9 toneladas.
O primeiro rexistro científico da CEMMA do avistamento de candorcas en Galicia data do ano 2015 e dende aquela non deixan de pasar cada verán, na súa migración cara ao Norte. Nos últimos anos tamén están a ser habituais os avistamentos de baleas azuis, o animal máis grande que existe, que regresa ás augas galegas.
Muy interesante e instructivo. Alertador para evitar tropiezos riesgosos.