Xoves 28 Marzo 2024

Galicia suma 90 casos de SARS-CoV-2

Máis do 70 por cento dos positivos confirmados (64) permanecen con sintomas leves e están en illamento nos domicilios

IMPORTANTE: O que todos podemos facer para frear o coronavirus

INFORMACIÓN SEN ACTUALIZAR: CONSULTA OS ÚLTIMOS DATOSAQUÍ

Publicidade

 Os novos datos difundidos este venres polo Ministerio de Sanidad español respecto á propagación do coronavirus SARS-CoV-2 constatan o aumento dos casos nas zonas de “transmisión significativa” da doenza. Ademais de Madrid (que conta con máis de 2.000 positivos confirmados), País Vasco e, sobre todo, La Rioja (cuns niveis de incidencia só comparables en Europa aos da rexión italiana de Lombardía), preocupa o aumento de casos en Navarra, con moita probabilidade relacionados co foco da localidade de Haro. Nas últimas horas sumáronse máis de 1.000 novos positivos. No conxunto estatal o número de falecidos é de 120 e confírmanse xa 4.209 casos.

A mediodía do venres, a Xunta informou de 90 casos confirmados pola doenza Covid-19. Debido ao cambio de protocolo introducido polo Ministerio, a partir de hoxe, informarase sobre os casos de infección con resultado positivo realizados na nosa Comunidade Autónoma. Desdes 90, 43 deles son da área da Coruña, 4 da de Lugo, 10 da de Ourense, 9 da de Pontevedra e 15 da área de Vigo, 8 da de Santiago, e 1 da de Ferrol. Seis destes casos permanecen en UCI, 20 están en unidades de hospitalización e 64 no domicilio. A Xunta informou no mediodía deste xoves que se realizaron ata o momento 784 probas PCR.

En Portugal, con 112 casos confirmados, algo menos da metade (112) localízanse na rexión Norte. Aínda que a Direção Geral da Saúde Pública (DGS) non achega os datos da taxa de incidencia, esta zona ten unha poboación de máis de 3,5 millóns de persoas, polo que se deduce que a taxa é algo menor cá galega. Os datos foron actualizados ás 11 da mañá do venres 13. Con todo, as autoridades adiantáronse en tomar ao longo da semana medidas de restrición de movementos e peche de instalacións.

Ata o de agora non se ten rexistrado ningún falecemento en Portugal. Porén, hai 637 casos sospeitosos, dos que 172 agardan confirmación da análise. Unha persoa xa está recuperada. E xa son case 5.700 as que están baixo vixilancia das autoridades polo seu vínculo con estes ou outros casos. A DGS constata que hai alomenos “11 cadeas de transmisión activas”, e confirma que os casos importados proceden de Italia (15), España (9), Suíza (3) e Alemaña ou Austria (1).

Fonte: Direção Geral da Saúde Pública.

Os últimos datos sitúan a España como un dos países no mundo con máis casos ata o momento, con cifras semellantes a Francia e Alemania (aínda que estes con maior poboación.

Máis información

Galicia pecha os bares e limita a asistencia a enterros polo coronavirus

O dato que preocupa en Galicia: os casos están medrando máis rápido na última semana

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.