España declara o estado de alarma polo coronavirus

A medida excepcional terá unha duración de quince días pero pode ser prorrogada e dá facultades ao Goberno para limitar o movemento de persoas

O presidente Pedro Sánchez declarou o estado de alarma en rolda de prensa.
O presidente Pedro Sánchez declarou o estado de alarma en rolda de prensa.

IMPORTANTE: O que todos podemos facer para frear o coronavirus

O Goberno español declarou hoxe o estado de alarma para facer fronte á grave crise sanitaria xerada pola expansión do coronavirus SARS-COV-2. O estado de alarma, previsto no artigo 116 da Constitución, faculta ao Goberno a medidas excepcionais. O presidente Pedro Sánchez fixo unha declaración institucional no Palacio da Moncloa para anunciar esta medida, que faculta ao Goberno para limitar a libre circulación de persoas, co consecuente peche dalgunha cidade ou comunidade autónoma, ou de todo o país, como aconteceu esta semana en Italia.

O citado artigo da Constitución establece o seguinte: “O estado de alarma será declarado polo Goberno mediante decreto acordado en Consello de Ministros por un prazo máximo de quince días, dando conta ao Congreso dos Deputados, reunido inmediatamente para o efecto e sen cuxa autorización non poderá ser prorrogado o devandito prazo. O decreto determinará o ámbito territorial a que se estenden os efectos da declaración”.

Portugal declara o estado de alerta polo coronavirus

Portugal declarou o ‘estado de emerxencia’ tamén no día de hoxe. O primeiro ministro, António Costa, declarou que “esta pandemia no continente europeo en Portugal aínda non alcanzou en Portugal o seu pico; pola contra, está en fase de evolución”, advertiu Costa, quen dixo que é “moi probable que nas vindeiras semanas” haxa máis persoas contaxiadas. “Este pode ser un brote mais duradeiro do que se pode estimar inicialmente”, agregou.

“É unha loita pola nosa supervivencia e pola protección da vida dos portugueses”, anunciou o primeiro ministro. Das garderías á Universidade, toda as dependencias de ensino quedan pechadas desde o luns e ata o 9 de abril.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.