Despois dunha fin de semana de precipitacións constantes en Galicia, as predicións para os vindeiros sete días (aínda que cun alto grao de incerteza por agora) amosan a probable chegada á costa oeste da Península Ibérica dunha profunda borrasca con orixe nun ciclón tropical que xa se está formando ao oeste das Illas Canarias. O Centro Nacional de Furacáns dos Estados Unidos (NHC), encargado de rastrexar a xénese dos ciclóns no océano, incrementou nas últimas horas ata o 60% a probabilidade de que se formase un ciclón ao oeste de Canarias e as Azores.
The 2020 Atlantic Hurricane season has no intention of ending early this year, with Tropical Storm #Eta near Florida, and two other areas that have medium chances of becoming tropical cyclones this week- Ugh. More: https://t.co/tW4KeFW0gB pic.twitter.com/Z47H02URxQ
— National Hurricane Center (@NHC_Atlantic) November 9, 2020
“A actividade dos chubascos asociados a un sistema de baixas presións situado varios centos de millas ao suroeste das Azores está amosando algúns sinais de organización. O sistema irá adquirindo características subtropicais ou tropicais esta semana, e podería desenvolverse unha tormenta tropical ou subtropical dentro de poucos días a medida que o sistema se mova cara o este ou nordeste”, advirte o NHC.
Por agora, os modelos teñen aínda un alto grao de incerteza, pero a xénese desta tormenta está xa espertando un importante interese nos foros de meteoroloxía. Juan Jesús González Alemán, investigador da Universidade Complutense de Madrid, experto en ciclóns, dinámica atmosférica e cambio climático, está a compartir a través das redes a evolución do sistema. Na mañá do luns apuntou que o ciclón (que de acabar xerándose será nomeada como Theta), ten unha alta probabilidade de formación, aínda que é difícil saber por agora que traxectoria e intensidade exacta terá.
Mi resumen de esta mañana sobre potencial #Theta :
– Sabemos que se formará muy probablemente.
– No sabemos que trayectoria exacta tomará
– No sabemos que intensidad exacta tendrá.
– No sabemos cómo será su etapa final (atención a la transición extratropical). pic.twitter.com/JOjNeLv55V— Dr. J. J. González Alemán (@glezjuanje) November 9, 2020
Por tanto, descoñécese se finalmente poderá golpear con forza a costa peninsular. Si parece máis probable que os arquipélagos de Madeira e as Illas Canarias resulten afectados. Algúns modelos apuntan a que Theta podería chegar preto de Canarias como furacán de categoría 1.
Desde MeteoGalicia tamén advertiron esta mañá á formación da borrasca, aínda que advirten que é preciso agardar para coñecer a posible traxectoria e intensidade.
Como continuará o tempo nos vindeiros días🤔?
🔹Luns: Nubes, chuvia feble.
🔹Martes: Néboa, sol, temperatura suave.
🔹Mércores e xoves: Nubes e claros. Chuvia no oeste.
🔹Fin de semana: Atentos á B que aparece mañá en Azores. Achegarase lentamente e podería complicar a situación. pic.twitter.com/jATh5UzTXx— MeteoGalicia (@MeteoGalicia) November 8, 2020
Con todo, hai moitos ollos postos neste posible ciclón. Fenómenos semellantes deixaron nos últimos anos un notable impacto na Península. É o caso de Ophelia, cuxos fortes ventos impulsaron os grandes incendios forestais de outubro de 2017, Leslie, que causou graves danos en Portugal, ou Lorenzo, que aínda que ao final non xerou moitos danos en terra, converteuse no furacán de categoría 5 que máis ao leste se situou desde que hai rexistros.
Estes e outros fenómenos atmosféricos expoñen a posibilidade de que a chegada de tormentas tropicais e mesmo furacáns se vaian facendo máis habituais nos vindeiros anos no Atlántico leste, chegando a golpear as costas galegas.