“Lorenzo é agora mesmo un furacán extremadamente potente de categoría 5. É o furacán máis forte desde que hai rexistros situado tan ao norte e o leste na bacía do Atlántico”, apuntou esta madrugada a través da súa canle de Twitter o Centro Nacional de Furacáns (NHC) dos Estados Unidos. Despois de sorprender pola súa anómala traxectoria cara ao leste, os meteorólogos seguen con gran atención ao fenómeno debido á potencia que está acadando nas últimas horas.
Lorenzo is now an extremely powerful category 5 hurricane. It is the strongest hurricane on record this far north and east in the Atlantic basin. pic.twitter.com/nUR5ugJws7
— National Hurricane Center (@NHC_Atlantic) September 29, 2019
Os últimos datos publicados polo NHC falan de ventos de ata 260 km/h. Por agora, a súa traxectoria apunta a que golpeará as Illas Azores entre o martes e o mércores, aínda que xa debilitado, pero con forza suficiente para causar danos no arquipélago. E ademais, a forza xerada por Lorenzo podería facerse notar xa en forma de mar de fondo en moitas partes do Atlántico norte, segundo apuntan desde A Axencia Estatal de Meteoroloxía.
El huracán #Lorenzo podría afectar a #Azores entre el martes y el miércoles. La gran mar de fondo generada se propagará por el #Atlántico norte. https://t.co/FnOJ535oas
— SINOBAS (@AEMET_SINOBAS) September 29, 2019
Porén, a pesar da incerteza, os modelos probabilísticos non o sitúan, por agora, con perspectivas de afectar a Galicia. A traxectoria máis probable, despois de pasar polo oeste dos Azores, é que continúe en diagonal cara a Irlanda, pero convertido xa en borrasca.
#Lorenzo segue o seu percorrido pola zona tropical do Atlántico arestora como furacán categoría 5. A traxectoria máis probable continúa sendo en diagonal entre Azores e Irlanda, cando iría pasando a borrasca, con baixas probabilidades de que afecte a #Galicia@NHC_Atlantic @ECMWF pic.twitter.com/PpxzCvXKfi
— MeteoGalicia (@MeteoGalicia) September 29, 2019
