Venres 29 Marzo 2024

O furacán Leslie sorprende de novo e impactará contra Portugal

O furacán Leslie volve sorprender e finalmente impactará na península Ibérica, entrando polo norte de Lisboa convertido nunha tormenta tropical. E aínda que os modelos preditivos non conseguen ser precisos, semella que Galicia quedará fora do seu impacto, que se producirá na madrugada do domingo.

Como xa informábamos o pasado martes, Leslie é un furacán que semella imprevisible, porque leva varias semanas vagando polo Atlántico sen que se poida facer unha predición exacta da súa evolución. Pero xa quedan apenas horas para a súa chegada ao continente e os datos semellan agora máis precisos. Segundo a predición de Meteogalicia, o furacán localizouse durante a madrugada do sábado a uns 400 quilómetros ao noroeste de Madeira. Así, a traxectoria de Leslie vai levalo nas vindeiras horas a situarse na zona de cabo Mondego, ao norte de Lisboa, polo que Galicia quedará fóra da súa influencia.

Publicidade

Evolución prevista de Leslie ata o vindeiro luns.
Evolución prevista de Leslie ata o vindeiro luns.

A tormenta tropical si afectará a outras zonas da península Ibérica, segundo as predicións da Axencia Estatal de Meteoroloxía, que advirte da posibilidade de ventos moi fortes, con refachos superiores a 80 km/ h; e choivas intensas, de 75 a 100 l/ m2 en 24 horas, no oeste peninsular ao longo deste domingo. As provincias afectadas poderían estar nunha franxa situada entre Cáceres e Zamora, alcanzando A Rioxa.

De calquera xeito, hai alerta amarela declarada en Galicia na área oeste da comunidade. Esta alerta amarela está relacionada con fortes choivas, vento e grandes ondas no mar, onde a situación empeorará o vindeiro luns pasando a alerta laranxa no litoral dende A Guarda ata Bares.

Alerta amarela en boa parte de Galicia.
Alerta amarela en boa parte de Galicia.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O catedrático da UDC García Mira leva os seus estudos en psicoloxía ambiental ata Filipinas

A Universidade de Santo Tomás organizou unha conferencia sobre o papel da ciencia psicolóxica para abordar o impacto do cambio climático

A Serra da Capelada foi un glaciar da última Idade do Xeo: “É un caso singular en toda a península”

O traballo do catedrático e investigador da USC Augusto Pérez-Alberti analiza a súa configuración xeomorfolóxica e a paisaxe

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150