Premio para unha ferramenta feita na UDC para explicar as suxestións que recibimos na rede

Investigadores do CITIC deseñaron un novo modelo para os algoritmos de recomendacións que tamén reduce a súa pegada de carbono

Cada día recibimos ducias de recomendacións de consumo en Internet. Compras, música, películas, series ou contidos. Empregan algoritmos que tiran da pegada que deixamos na rede. O funcionamento destes sistemas é opaco: nunca nos explican en que se basearon para esa oferta. E, ademais, gastan enormes recursos computacionais que deterioran o medio ambiente.

Para reducir a pegada destes sistemas e mellorar a súa transparencia, un equipo de investigadores do Centro de Investigación en TIC (CITIC) da Universidade da Coruña vén de deseñar un novo modelo que foi premiado pola Rede Española de Investigación en Sistemas de Recomendación (ELIGE-IA) como mellor publicación científica do ano no seu campo.

Publicidade

O modelo deseñado na Coruña, bautizado como BRIE, emprega imaxes seleccionadas de forma intelixente para explicar as recomendacións que recibidos. A ferramenta feita polos investigadores Jorge Paz, Amparo Alonso, Bertha Guijarro, Brais Cancela e Carlos Eiras-Franco permite ilustrar o por que desa suxestión. Por exemplo, diranos que a plataforma recomenda comprar esa prenda de roupa porque con anterioridade o usuario clicou ou gustou dun contido determinado.

Menos gasto de enerxía

E faino sen gastar tanta enerxía como os algoritmos convencionais. Reduce ata un 98% o tamaño do modelo e un 75% as emisións de CO2 vinculadas ao adestramento do algoritmo, sen que o seu rendemento se vexa afectado.

O modelo xa foi validado con éxito en seis conxuntos de datos reais e supera o rendemento dos sistemas actuais máis avanzados, segundo destaca a Universidade da Coruña. O traballo premiado por ELIGE-IA forma parte dos proxectos do CITIC enfocados a mellorar os algoritmos da intelixencia artificial para facelos máis éticos e máis eficientes.


Referencia: Sustainable transparency on recommender systems: Bayesian ranking of images for explainability (Publicado en Information Fusion).

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un novo recurso didáctico creado na USC conecta o patrimonio musical galego co Camiño de Santiago

O material reúne dez arranxos de música do percorrido francés e propostas para traballar este repertorio das aulas de Primaria e Secundaria

Robótica, IA e exploración espacial na oitava xornada de portas abertas de atlanTTic

O centro de investigación da UVigo levará a cabo o 20 de novembro visitas guiadas gratuítas aos laboratorios e actividades abertas á cidadania, previa inscrición

Unha autopista de humidade acende en Galicia alertas laranxas e amarelas por chuvia e vento

A sucesión de borrascas atlánticas deixará máis de 50 l/m2 en menos de 12 horas no oeste da comunidade e refachos de ata 100 km/h

Dúas xeracións únense para rescatar do abandono a historia da batería militar de Cabo Silleiro

Jesús Moreira, quen realizou o servizo en 1971, e o seu fillo Diego impulsan unha recollida de sinaturas para converter o antigo cuartel nun espazo cultural