Rúas humanizadas, con plantas de moitas cores e as bicicletas como protagonistas. O goberno dos Países Baixos ofrece unha ferramenta con intelixencia artificial que permite “reimaxinar” barrios galegos cun “toque neerlandés”. Empregando a base de datos de Google Streetview, a aplicación permite seleccionar calquera rúa de Galicia e xera catro variantes de como se vería ese lugar “máis feliz e saudable cun estilo de vida ciclista”, indican na páxina web.
A ferramenta, de uso gratuíto, ten algunhas limitacións. En primeiro lugar, non todas as imaxes de Google Streetview están actualizadas. Tal é así que se se buscan localizacións como a Praza Porta do Sol de Vigo, está aínda mantén as estradas para os vehículos, que pasaban xunto ao Sereo de Francisco Leiro. Por outra banda, a aplicación só permite dous “redeseños” de rúas por día e usuario. Todo isto débese a que “a intelixencia artificial é nova e aínda está aprendendo”, detallan dende a web.
Barrios galegos cun “toque neerlandés”
Probamos a visualizar como serían algúns barrios galegos con “toque neerlandés”, cunha opción por cada provincia: Travesía de Vigo (Pontevedra), Santa Teresa (A Coruña), Alcalde Anxo López (Lugo) e rúa Parque de San Lázaro (Ourense). Os resultados amosan unhas rúas moito máis humanizadas, con numerosas xardineiras cheas de flores de múltiples cores e algunhas bicicletas onde antes había vehículos. Podes realizar a comparativa do antes e despois movendo a barra no medio da imaxe.
Rúa Travesía de Vigo
Rúa Parque San Lázaro, Ourense
Rúa Santa Teresa, A Coruña
Rúa Alcalde Anxo López, Lugo
Eu opino que a IA é espectacular, aínda que un pouco inquietante polo rápido que avanza e aprende mais que os humanos. Pero por outra banda, é de grande axuda para traballos, oficios e axuda moitísimo.