A cidade de Vigo contará cunha poboación estimada de 274.717 habitantes no ano 2025, nunha ratio de cinco quilómetros. Mentres, a cidade de Lugo e os seus arredores terán 61.611 cidadáns. Estes son os datos que achega a aplicación web creada por un usuario do Reino Unido baixo o nome Population around a point (“Poboación arredor dun punto”). A través dela, pódese descubrir cantos habitantes haberá nos lugares seleccionados (e da ratio de distancia elixido) o ano que vén.
Os datos empregados proceden do Global Human Settlement Layer. Con todo, o creador advirte de que esta versión da información é pouco precisa en áreas pequenas, especialmente onde se produciron cambios rápidos da poboación. Para complementar o número de habitantes, tamén se achegan datos de paradas de autobús, tranvía e tren ou metro procedentes de Open Street Map, obtidos a principios do 2023. A súa falta de actualización produce erros, faltando moitas paradas de transporte, especialmente fóra de Europa.
O acceso á poboación pode establecerse a través dunha ratio de distancia de tres a 50 quilómetros. O máximo establécese, precisamente, en 50 quilómetros, pois volveríase lento por enriba desa cifra; e o mínimo en 3 quilómetros porque, do contrario, é probable que a poboación dalgúns centros urbanos sexa moi errónea. Todo o código da web pertence á Licencia Creative Commons, o que significa que pode ser empregado para calqueira fin, como establece este usuario ao final da páxina.
A poboación de Galicia
No mapa interactivo facilitado a través da aplicación, pódese comprobar os cambios na poboación de Galicia para o 2025. A cidade da Coruña (nunha ratio de 5 quilómetros), con aproximadamente 500 paradas de bus e dúas estacións de tren, poderá ter 272.192 habitantes nunha ratio de 5 quilómetros. Mentres, en Santiago de Compostela, con 305 autobuses e unha estacións de tren, estímase unha presenza de 74.231 habitantes. En Ourense cidade, a poboación establécese arredor de 109.653, con 71 paradas de autobús e unha de tren.
Tamén poden analizarse a poboación de concellos máis pequenos, pero as cifras engloban unha distancia maior. No caso da Estrada (Pontevedra), terá 6.745 habitantes no ano 2025, recollendo unha ratio de 3 quilómetros. Mentres, na análise do concello de Baiona (Pontevedra) para a menor ratio posible contaría tamén cunha parte do concello de Nigrán, a causa do seu pequeno tamaño. O resultado sería de 14.418 posibles habitantes desta zona costeira para o 2025.
Podes acceder á aplicación Population around a point nesta ligazón.
