Imaxe dunha das escenas de
Imaxe dunha das escenas de "The Waylanders". Fonte: Gato Salvaje.

The Waylanders: recta final para facer realidade o videoxogo da Galicia mítica

Mouras, celtas, homes e mulleres licántropas, os míticos fomorianos irlandeses vanse unir no videoxogo The Waylanders, un ambicioso proxecto da produtora galega Gato Salvaje, no que traballan preto de 40 persoas desde A Coruña. Esta semana, a iniciativa afronta a súa recta final de financiamento na plataforma Kickstarter. Queren chegar aos 150.000 dólares necesarios para facer realidade o xogo que, se todo sae ben, verá a luz a finais de 2020. O prazo remata o venres ás 23.30 horas, e están xa preto dos 140.000.

Sen saír ao mercado, e aínda que haxa que esperar un ano e medio para gozar del, The Waylanders está xerando grandes expectactivas no mundo dos videoxogos. No mes de agosto, a revista PC Gamer, unha das referencias internacionais do sector, dedicoulle unha ampla reportaxe na que conversaba con Fernando Prieto, director executivo de Gato Salvaje, e con Mike Ladlaw, antigo director creativo do recoñecido videoxogo Dragon Age, e que se incorporou ao equipo como asesor para The Waylanders.

A historia de The Waylanders

The Waylanders é un videoxogo de rol (RPG nas súas siglas en inglés) que recrea os escenarios e personaxes dos mitos celtas, tanto en Galicia como en Irlanda, a partir do Lebor Gabála Érenn. Está ambientado en dúas épocas, a celta e a medieval, e inclúe tamén escenarios galegos, como a catedral de Santiago, a mítica Brigantia, a Fervenza do Ézaro, Fisterra, a Illa de Ons ou as Médulas.


Desde o punto de vista técnico, a proposta de Gato Salvaje innova tamén con diversos modos de xogo, formacións de combate e perspectivas de cámara. Ademais, estará dispoñible en galego, ademais de en castelán, inglés e alemán. De acadar o obxectivo marcado, tamén sairá ao mercado en francés.

Aparecerán como escenarios a catedral de Santiago, Brigantia, a fervenza do Ézaro, Fisterra ou Ons

A través de Kickstarter, as persoas que financien o lanzamento de The Waylanders poderán acceder a diversos tipos de recompensas, segundo a cantidade que acheguen. Van desde o videoxogo dispoñible para a súa descarga dixital (no caso de ingresar 30 dólares) ata unha curiosa recompensa especial para quen achegue 10.000 dólares: o patrocinador poderá gozar dunha “experiencia The Waylanders”, que inclúe unha viaxe á Coruña, con dous días de estadía nunha recreación dun castro e visitas guiadas aos lugares que aparecen no xogo. A experiencia completarase cunha degustación de comida e bebida galega, unha armadura exclusiva, un epitafio personalizado e ata un torque feito de ouro.

Podes apoiar o lanzamento de The Waylanders na web de Kickstarter, nesta ligazón.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.