Chuvia, algúns ceos despexado e algo máis de chuvia. Após o paso da borrasca Jana, que deixou intensas precipitacións e fortes ventos durante esta fin de semana, o tempo en Galicia mantense máis invernal que de primavera. Para as seguintes xornadas agárdase unha situación de inestabilidade antes de que un novo sistema de baixas presións chegue dende o Atlántico con máis chuvias.
Durante este luns a borrasca Jana irase retirando cara ao sur deixando ceos parcialmente cubertos e chuvascos que serán máis probables na metade sur da comunidade, segundo indica Meteogalicia. O vento soprará con intensidade moderada e as temperaturas oscilarán entre os 2 graos de mínimas en Lugo e os 17 de máxima na Coruña.
O martes a chuvia dará un pequeno respiro na maior parte de Galicia antes de volver a ser a protagonista da semana. Durante esta xornada o territorio quedará nunha situación intermedia entre altas e baixas presións. Os ceos estarán nubrados, con máis claros no litoral atlántico durante a tarde, e os “chuvascos serán illados e ocasionais, con máis probabilidade no interior”, sinalan fontes de Meteogalicia.
Aínda hoxe luns continuamos baixo a influencia da #BorrascaJana situada ó oeste de #Galicia. Con esta situación teremos intervalos nubrados e chuvascos, más probables nas provincias atlánticas e sur do territorio galego. Temperaturas sen cambios.
— MeteoGalicia (@MeteoGalicia) March 10, 2025
Bo día e feliz semana! pic.twitter.com/btRyOhBLt2
Será durante a noite do mércores cando unha nova borrasca atlántica afecte á comunidade. O día comenzará con ceos con nubes e claros e as chuvias iranse estendendo de sur a norte co avance da tarde. De cara á noite as precipitacións afectarán a toda Galicia e as predicións a medio prazo de Meteogalicia sinalan que existe unha alta probabilidade de que se manteñan durante o resto da semana. As temperaturas baixarán e os ventos soprarán de compoñente leste con intervalos moderados.
“Unha potente borrasca atlántica deixará incesantes chuvias en Galicia (e sen data de fin)”
Pareceme terrible que haia màis incesantes chuvias na Peninsula Iberica. A murcia tamen foi moi afectada pola borrasca igual que Valencia. Espero que Portugal non teña que sufrir estas borrascas tan potentes que azotan a españa