Imaxe da eclipse de Lúa de xullo de 2018. Fonte: Ángel D. R. Arós / Ceos Galegos.
Imaxe da eclipse de Lúa de xullo de 2018. Fonte: Ángel D. R. Arós / Ceos Galegos.

Ceos Galegos convoca un concurso de fotos da eclipse

O portal abre o prazo ata o 29 de xaneiro para enviar as imaxes do fenómeno tomadas desde Galicia na noite deste luns

O portal Ceos Galegos, dirixido por Dosi Veiga, anunciou este luns a convocatoria dun concurso de fotografías da eclipse de Lúa que tivo lugar na madrugada deste 21 de xaneiro.

Para participar é preciso cubrir un formulario no propio portal, no que se acheguen os datos da mencionada fotografía. As bases determinan que os autores deben acreditar a autoría das fotografías (admítense un máximo de 5 por autor), deben conter necesariamente á Lúa durante algunha fase da eclipse do 21 de xaneiro de 2019 e estar tomadas en Galicia, poden estar tiradas por calquera medio fotográfico, con paisaxe, con xente ou só con elementos astronómicos, e admítense correccións básicas de niveis con aplicacións informáticas ou procesados como apilados, panorámicas ou secuencias.

Segundo informan desde Ceos Galegos, unha vez estean subidas as imaxes á galería, realizarase unha votación popular ao través do portal, polo que o gañador desta votación recibirá un diploma acreditativo así como un lote de regalos que se comunicará nuns días.

Entre todas as imaxes publicadas sortearase unha edición única do calendario Ceos Galegos 2019, asinada por todos os autores deste ano. Será un sorteo puro entre todas as imaxes recibidas. Realizarase ao través da web www.randorium.com unha vez remate o prazo para subir imaxes, o 29 de xaneiro, e será anunciado polas redes sociais.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.