A eclipse de Lúa non defraudou en Galicia. Rachando cos prognósticos que agoiraban chuvia, o ceo deu unha tregua e as nubes desapareceron para permitir observar o fenómeno astronómico en todo o seu esplendor.
Foi ás 4.49 horas cando a Lúa comezou a entrar na zona de penumbra da Terra e, a partires das 5.43 xa se podía ver avermellada. Durante 54 minutos a eclipse foi total, e ás 7.49 da mañá rematou o evento.
En GCiencia, saímos fotografar o espectáculo, dende Santiago de Compostela e Vigo, onde foi posible contemplar a sombra da Terra sobre a Lúa, malia algún momento puntual no que as nubes distorsionaban a visión.
Tamén fixeron unha saída de campo na Coruña, dende a Agrupación Astronómica Coruñesa Ío cunha observación pública da eclipse no Parque de Eirís, que comeou ás 4:30 da mañá. Noutros puntos de Galicia foron numerosos os afeccionados á astronomía que decidiron madrugar (ou trasnoitar) para ver un fenómeno que non se repetirá ata o ano 2022.
A chamada ‘Lúa de sangue’ ten un nome atractivo, pero que ten pouco misterio. A atmosfera da Terra non é sólida nin opaca, senón gasosa. Así, a luz procedente de Sol experimenta refracción (cmbio de dirección dunha onda ao pasar dun medio a outro en que a velocidade de propagación é diferente) ao pasar pola atmosfera. E este cambio proxéctase na Lúa en forma do ton avermellado que se ve durante a eclipse. Este gráfico explica o fenómeno:
E foron moitos os galegos que compartiron as súas fotos da eclipse:
A quen se lle ocorre poñer unha eclipse a esta hora, de noite? 🌘 pic.twitter.com/XhebrdRiLF
— Kiko Novoa (@kikonovoa) 21 de enero de 2019
Aquí estamos no Parque de Eirís #ACorña con @agrupacionio pic.twitter.com/LeygH7Gy0H
— marisa castiñeira (@mcastigarcia) 21 de enero de 2019
Eclipse lunar Herculino. @laopinioncoruna @CeosGalegos @agrupacionio @alex_riveiro pic.twitter.com/fYkGFeqzLr
— Mazinger Z (@robotmilagroso) 21 de enero de 2019
Dende Coruña con @agrupacionio pic.twitter.com/eNtOZ5kNiq
— 🌖 Uxía 🦋 (@UxiaShinigami) 21 de enero de 2019
Dende Bertamiráns entre Névoa, choivas e Nubes. #LunarEclipse #eclipseLúa #EclipseLunar a o final deixouse ver pic.twitter.com/ZRoKzL8G9E
— Monipeny (@mlamasrial) 21 de enero de 2019
