Matan a golpes a catro cabalos salvaxes nun monte de Oia

Os veciños de Viladesuso, en Oia, asistiron consternados a unha salvaxada cometida contra os cabalos salvaxes que habitan os montes da parroquia. Este novo caso de malos tratos animais provocou conmoción esta fin de semana. Catro cabalos salvaxes apareceron mortos nun túnel de desparasitación, mentres que outros cinco atópanse malferidos, con varios golpes na cabeza.

Os animais presentan signos de ser brutalmente agredidos con obxectos contundentes. Deuse aviso para que se investigue o acontecido, pero todo apunta a que os equinos foron introducidos nun espazo estreito, onde permaneceron presos sen posibilidade de escapatoria.

Publicidade

A voz de alarma dérona dous veciños de Oia que estaban a dar un paseo polo monte. Foron eles os que atoparon aos animais presos entre os barrotes do que parece ser un corredor de desparasitación.

Tres dos cadáveres eran de exemplares adultos e o cuarto era unha poldra. Había outros cinco cabalos feridos e os veciños abriron a comporta para que puidesen escapar.

Publicidade

Está a investigarse quen está detrás destes actos, que consternaron aos habitantes da zona, pois nunca antes se rexistrara un “atentado animal” destas características. Preocupados ante tal situación, e con medo a que se repita un suceso similar, 20 gandeiros concentráronse este domingo para tratar de previr un acto similar.

O cabalo galego de monte é unha especie que precisa especial protección e que está considerado un patrimonio natural en Galicia.

Drones para estudar e conservar o cabalo galego de monte