Esta imaxe dos lóstregos tras a atalaia da Guarda é unha das fotos de Ceos Galegos 2019. Fotografía de José Carlos Castro.
Esta imaxe dos lóstregos tras a atalaia da Guarda é unha das fotos de Ceos Galegos 2019. Fotografía de José Carlos Castro.

Ceos Galegos 2019, un calendario con catorce abraiantes imaxes

Un ano despois da súa primeira edición, e despois da boa acollida, Ceos Galegos 2019 xa é unha realidade. O proxecto impulsado polo físico e divulgador Dosi Veiga, no que se recollen catorce fotografías abraiantes realizadas por algúns dos mellores astrofotógrafos de Galicia, xa está á venda.

O proxecto incorpora este ano varias novidades, alén de manter algunhas das trazas que permiten gozar das imaxes en gran formato, como a impresión mural de case 50 centímetros de ancho e papel de alta calidade. Así, Ceos Galegos 2019 incorpora textos en galego e inglés, novos fotógrafos e novas temáticas, xa que aparecen tamén outros fenómenos atmosféricos como os lóstregos ou os solpores, non só centrados na astrofotografía.

O Xigante do Monte Pindo, nunha composición de 25 fotografías de 1800 segundos de exposición. Obra de Fins Eirexas.

Ceos Galegos 2019 leva o selo de Kikeflash, Alejandro Nieto, Fins Eirexas, Óscar Blanco, Pablo Martínez, Ángel D. R. Arós, Noa Táboas, Marcos Gestal, Alfredo Madrigal e José Castro. Nestes primeiros días de saída á venda, ata este mesmo 30 de novembro, está aberta a promoción Ceo e Terra, coa que, ao mercar o calendario, regálase un lote de castañas, noces e avelás do país en todos os pedidos. E pedindo 3 ou máis exemplares, vai outro de agasallo.

Toda a información sobre presentacións, puntos de venda, pedidos e consultas sobre o proxecto está dispoñible na web ceosgalegos.com.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.