Algunha vez pensaches en como se vería Galicia dende o ceo? A Fundación Barrié e o Ministerio de Defensa deron resposta a esta dúbida en 1985, cando publicaron Galicia desde el aire. O tomo, de máis de 200 páxinas, recolle fotografías de alta calidade técnica e artística que amosan a diversidade natural e arquitectónica galega.
Fotografía panorámica dos Ancares, no Cebreiro, nos anos 80. Imaxe: @FundacionBarrie vía X. 
A Coruña, anos 80. Palacio Municipal na Praza de María Pita; ó fondo, a Dársena. Imaxe: @FundacionBarrie vía X. 
Onceta, Illas de Ons, na boca da Ría de Pontevedra, nos anos 80. Imaxe: @FundacionBarrie vía X. 
Montefurado, xacementos auríferos explotados polos romanos (arriba) e Pontevedra (abaixo), ambas fotografías tomadas nos anos 80. Imaxe: @fundacionbarrie vía Instagram. Campos de cultivo á beira do Miño, ao norte de Lugo, nos anos 80. Imaxe: @fundacionbarrie vía Instagram. Cabo Vilariño nos anos 80. Imaxe: @fundacionbarrie vía Instagram. Castelo de Monterreal, hoxe Parador Nacional Conde de Gondomar, en Baiona, nos anos 80. Imaxe: @fundacionbarrie vía Instagram. Catedral de Ourense nos anos 80. Imaxe: @FundacionBarrie vía X.
As imaxes inclúen escenarios rurais e urbanos das catro provincias da comunidade, dende catedrais ata campos de cultivo e múltiples accidentes xeográficos. Todas elas comparten a perspectiva da súa toma: a vista dende o ceo.
As pezas foron capturadas dende helicópteros por un grupo de especialistas do Exército de Aire. O propósito desta publicación foi conmemorar o Día das Forzas Armadas compartindo unha «perspectiva que só uns poucos teñen o privilexio de disfrutar», explican dende a Fundación Barrié.
