Os planetas do Sistema Solar estarán aliñados no ceo esta noite. Neste raro evento poderase observar como Saturno, Mercurio, Neptuno, Venus, Urano, Xúpiter e Marte se ordenan nun mesmo arco. Malia que non todos os corpos celestes se poderán ver a simple vista, as poucas nubes que se agardan despois do solpor en boa parte de Galicia permitirán poder desfrutar desta singularidade astronómica.
A pesar de que non é raro que algúns planetas estean ao mesmo lado do Sol e ao mesmo tempo, é pouco común que todos se ordenen deste xeito. A grande aliñación deste 28 de febreiro non se volverá a repetir ata o ano 2492, segundo indica o profesor Francisco José Torcal nun artigo en The Conversation.
Os sete planetas aparecerán aliñados no ceo formando un arco visible dende a Terra. Para observalo, deberase orientar cara ao o sur 45 minutos despois do solpor, segundo indica o Observatorio Astronómico Nacional. En Galicia, este fenómeno poderase desfrutar en boa parte do territorio, xa que non se espera que os ceos estean moi cubertos. Segundo as perdicións de Meteogalicia, os concellos das Rías Baixas serán os que máis despexados teñan o seus firmamentos.
Como identificalos
Á hora de observar esta aliñación haberá que saber distinguir entre planetas e estrelas. Acorde as indicacións do profesor Torcal, a diferencia está no seu escintileo. Se o brillo do obxecto se mantén constante é que son planetas. Venus será o máis brillante, seguido de Xúpiter. Por outra banda, Saturno aparecerá como un punto máis relucente preto de Venus.
“Unha vez teñamos estes tres localizados no ceo, deberemos buscar nos arredores da liña que os une para atopar o resto. Malia que Venus, Xúpiter, Saturno e Marte poderanse ver a simple vista, recoméndase ter a man uns prismáticos para non perdese o resto”, detalla o experto.
Esta semana al anochecer podrás ver por el oeste a Mercurio cada día más alto sobre el horizonte. Se irá acercado a Venus, que es unas 40 veces más brillante. Hacia el sur, casi en la vertical, encontrarás a Júpiter, y a su izquierda al rojizo Marte. La Luna estará en creciente. pic.twitter.com/izdyEE7Ce6
— Real Observatorio (@IGN_RObsMadrid) February 28, 2025
