Catro alumnas do Colexio Santo Ángel de Ourense viaxarán á sede da Organización das Nacións Unidas (ONU), para presentar un proxecto enfocado a contribuir á protección dos mares. As rapazas gañárono tras competir fronte a outras 2.300 candidaturas no Campus EduCaixa 2025 co seu proxecto QUITINA.
A presencia de microplásticos e outros compoñentes altamente contaminantes no mar é un gran problema. Especialmente, daqueles que proveñen da pesca masiva e da acuicultura, como é o caso dos palillos das bateas. A proposta das galegas procura dar solución a un problema real que afecta especialmente ao mar galego: a acumulación de residuos plásticos procedentes das bateas de mexillón.
O equipo deseñou dúas solucións complementarias: por unha banda, o uso de biopolímeros biodegradables derivados da quitina (substancia presente en crustáceos e moluscos). Logo, as alumnas presentaron un sistema de suxeición alternativo aos palillos plásticos, que fose máis respectuoso co medio. Todo, co obxectivo de protexer o mar desde a acuicultura sostible.
Visita a Harvard e ao MIT
Agora, o, as alumnas participarán nun viaxe formativo aos Estados Unidos, onde visitarán universidades de prestixio como Harvard, que se atopa en pleno enfrontamento co presidente Trump. Tamén visitarán o Instituto de Tecnoloxía de Massachusetts (MIT), situado no estado de Boston. Despois, visitarán a sede das Nacións Unidas en Nova York para representar a súa idea ante líderes e representantes internacionais.
As alumnas participaron, xunto con outros 99 equipos finalistas, no Campus EduCaixa celebrado en Barcelona do 7 ao 10 de maio. Alí viviron, segundo o colexio, “unha experiencia formativa inesquecible”. Entre outros, tiveron obradoiros de creatividade, liderado, inclusión educativa e sustentabilidade. Tamén houbo tempo para encontros con referentes do emprendemento social e visitas ao Instituto de Ciencias do Mar–CSIC e ao Centre de la Platja.
As galegas tiveron que defender a súa proposta ante un xurado experto, que determinou que serían unha das premiadas. “A innovación pode nacer nunha aula de Ourense e chegar aos foros máis influentes do mundo”, destacan desde o colexio, que falan dun “”antes e despois”””. En total, tres proxectos de secundaria foron proclamados gañadores.
