Para dar comezo ao verán, unha situación de inestabilidade prolongarase ao longo da semana. O mércores 26 de xuño será o punto de inflexión que provocará máis desequilibrios meteorolóxicos. Segundo a Axencia Estatal de Meteoroloxía (AEMET), a DINA orixinada en Portugal estaría desprazándose cara ao golfo de Cádiz, coa fin de ir ascendendo cara ao norte. Isto deixará fortes treboadas nalgunhas rexións de Galicia a mediados de semana.
Segundo os mapas publicados pola AEMET a través do seu perfil de X, aumenta a probabilidade de tormentas. O mércores serán máis frecuentes no norte, e poderán ser fortes e con granizo. A través da súa medición coa variable densidade de raios nube-terra (raios/100km), o mércores 26 de xuño prognostícase un maior impacto no interior de Lugo, e en menor medida na zona noroeste de Ourense, sinaladas en cor morado.
A pesar de que a DINA vai afectar a meirande parte do territorio galego, algunhas zonas do sur de Pontevedra e Ourense como Vigo, Baiona ou Lobios, estarán aparentemente libres deste fenómeno meteorolóxico. Na zona norte de Galicia, o sur da Coruña verase afectado pero non así o resto da provincia, que igual que na costa lucense non se percibirá o impacto. Con todo, a DINA é un fenómeno moi cambiante, polo que o prognóstico podería ir cambiando nas próximas horas.
