Únete á nosa canle de Whatsapp
Xa avisaran a Aemet e MeteoGalicia, co nivel laranxa e amarelo por treboadas para a tarde do mércores nas provincias de Lugo e A Coruña. Ademais das precipitacións en varias localidades lucenses, as tormentas colleron por sorpresa á comarca do Deza, onde o pedrazo acadou tamaños considerables e mesmo chegaron a rachar os vidros dun coche, segundo se pode ver nestas imaxes:
— Romero (@romero13476) 4 de xullo de 2019
O radar de MeteoGalicia captou en total máis de 3.000 raios sobre Galicia, e máis de 5.000 en total, contando os que caeron sobre o Atlántico e o resto do noroeste peninsular. A maioría deles concentráronse entre as 14 e as 20 horas do mércores.
A xornada remata en #Galicia con máis de 3000 raios🌩, a meirande parte na provincia de Lugo, aínda que as treboadas afectaron tamén con forza a outros puntos como a comarca do Deza. Co solpor foron a menos e arestora soamente quedan algúns chuvascos no norte de Lugo. pic.twitter.com/DuhLKSesqk
— MeteoGalicia (@MeteoGalicia) 4 de xullo de 2019
Para hoxe mantense a aviso amarelo, tamén por treboadas, na montaña de Lugo, entre as 15 e as 21 horas.
