Aviso laranxa en Galicia polas fortes treboadas que se esperan dende este xoves ata a fin de semana, sobre todo na provincia de Lugo, aínda que poderán aparecer en todo o país. A AEMET ten activado o aviso laranxa no centro de Lugo e montaña dende as 16.00 horas deste xoves ata as 22 horas, para continuar con alerta amarela que vai continuar durante a xornada do venres.
Na provincia da Coruña tamén está activado o aviso amarelo para este xoves e venres, tamén por fortes precipitacións que poden ir acompañadas de saraiba o día de hoxe, onde poderían chegar a caer precipitacións en forma de saraiba e lóstregos.
Mañá xoves pola tarde haberá tormentas ⛈️ no interior de Galicia, ocasionalmente acompañadas de saraiba e aparello eléctrico; e é que, como vemos nestes mapas 👇, espérase contorna moi favorable á convección pic.twitter.com/3ZVAEtVt64
— AEMET_Galicia (@AEMET_Galicia) 3 de julio de 2019
As precipitacións poderían ser especialmente intensas no interior e o noroeste da provincia da Coruña.
Os protagonistas destas treboadas serán os cumulonimbos, un tipo de nube con características únicas, como o feito de que se eleve máis que ningunha outra, alcanzado os doce quilómetros de altura. Dentro dun cumulonimbo hai intensas correntes de convección, que desprazan o aire de arriba a abaixo e de abaixo a arriba de xeito violento. Isto favorece a carga eléctrica destas nubes que en moitas ocasións rematan con descargas en xeito de treboada, en medio de precipitacións de curta duración pero moi intensas.
Aquí podes consultar o boletín de avisos de Meteogalicia
E aquí, o boletín de avisos da AEMET
