A inestabilidade de comezos de semana pausarase en Galicia durante xoves e venres, días nos que se acadarán ata os 29 graos en cidades como Pontevedra, acadando temperaturas dunha primavera próxima ao verán. Con todo, non durará moito: o sábado entrará unha fronte fría que, a pesar de que non chegará con precipitacións, provocará un derrubamento das temperaturas. É o caso de Ourense, onde pasarán de 30ºC o venres a 13ºC o sábado, cunha oscilación térmica de 17 puntos, segundo a previsión de MeteoGalicia. O mesmo ocorrerá en Santiago de Compostela.
Nas principais cidades de Galicia, o descenso supera os 10ºC de diferenza. A Coruña ten o menos acusado, pois pasa de 22ºC a 12. En Vigo, o sábado o termómetro marcará os 14ºC, igual que en Ferrol, onde chegarán a 11. Pontevedra, a segunda cidade coa temperatura máis elevada do venres 10 de abril, con 29ºC, pasará aos 14ºC durante a fin de semana. Mentres, Lugo experimentará un descenso de 16 graos, dende os 27ºC ata os 11 do sábado.
Este fenómeno estenderase ata o domingo, cando as temperaturas volverán ser frías, aínda que sería o luns cando se darían os rexistros mínimos máis baixos, tal e como informan dende ElTiempo.es.
