Volve a neve a Galicia, mesmo con grande intensidade, ata o punto de que Meteogalicia emitiu aviso amarelo por este meteoro nas montañas de Lugo para este mércores 3 de abril.
Coa entrada deste aire frío procedente de Groenlandia, ponse fin ao episodio de altas temperaturas tras dúas semanas por riba dos 20 graos, e con xornadas nas que varias localidades galegas chegaron a rexistrar as máximas en toda España. Esta situación anómala, moi por riba das medias do mes de marzo, provocou mesmo grandes incendios. Ademais, esta calor chegaba ao remate dun inverno especialmente cálido e seco no país.
01/04 09:45 #AEMET adelanta #FMA en Galicia. Activos pasado mañana. Nivel máx amarillo. Imagen del mapa de avisos en vigor a las 09:45 Para ver una tabla de avisos actualizada haga CLIC EN LA IMAGEN o visite https://t.co/JiRymofOY1 https://t.co/c13ZGG4svf
— AEMET_Galicia (@AEMET_Galicia) 1 de abril de 2019
O mércores entra a masa de aire frío polar que deixará grandes choivas, que poden ir acompañadas de saraiba. Ademais, haberá neve por riba da cota dos 900 metros, o que provoca o aviso amarelo na montaña de Lugo, onde se esperan acumulacións por riba dos 5 centímetros. A baixa das temperaturas deixará os termómetros baixo cero en varios puntos do país na noite do mércores ao xoves.
O xoves empeorará a situación, baixando a cota de neve ata os 800 metros. E vai entrar a primeira fronte da primavera, unha borrasca que deixará grandes precipitacións e fortes ventos.
Comeza a entrar o vento do norte que nos traerá aire máis frío e máis húmido para o que resta da semana. A situación no mar tamén cambia 🌊 xa que unha borrasca situada no Mar do Norte provocará un aumento das ondas a partir do mércores. Ver avisos:https://t.co/795Ol1Dc28 pic.twitter.com/vQfCH86k6Y
— MeteoGalicia (@MeteoGalicia) 2 de abril de 2019
A situación de inestabilidade continuará o venres, tamén con temperaturas baixas.
O máis salientable deste cambio do tempo estará nas temperaturas, que baixarán uns 11 graos con respecto ás da pasada fin de semana.
