Desde que en 1880 comezaran a rexistrarse as temperaturas a nivel mundial, nunca houbera niveis tan altos. Cinco entidades distintas (NOAA, NASA, Berkeley Earth, o Centro Hadley do Reino Unido e a axencia de meteoroloxía de Xapón) usando modelos distintos, chegaron á mesma conclusión: desde o ano 2000 tiveron lugar 18 dos 19 anos máis calorosos da historia, alomenos desde que se rexistran os datos.
The last 5 years have been the hottest in the modern record 🌡️This means that fire seasons are burning longer 🔥& melting sea ice is raising sea levels 🌊 @NASAGISS @NOAA scientists acquire their data from 6,300 weather stations & ships. Stay safe: https://t.co/cFbRjYgAhW pic.twitter.com/RLMdiXTknD
— NASA (@NASA) 7 de febrero de 2019
Xa se ven advertindo desde hai tempo da tendencia, que se acentuou desde o 2000. Non en tanto, 2015, 2016 e 2017 foron, de forma consecutiva, os anos máis cálidos. E 2018 non quedou moi atrás. Segundo a NASA, que publicou este mércores un vídeo ao respecto, o ano pasado foi o 4º máis quente da historia. Unha das poucas zonas que amosa temperaturas por debaixo da media é o mar de Irminger, unha zona próxima a Groenlandia, que podería verse afectada pola dinámica do desxeo.
Na información, a NASA tamén advirte de que esta tendencia está acelerando o desxeo, o que influiría no clima global, e aumentando os episodios extremos, como as secas, os incendios e as grandes tormentas.
A visualización destes datos axuda a comprender o ascenso global das temperaturas. Noutro gráfico, realizado tamén pola NASA, vese como, desde o ano 2000, case todos os anos están entre os de temperaturas máis altas:
Non só a NASA, senón o resto de institucións, corroboran os datos. O método das súas análises consiste en diferentes técnicas de recollida e procesamento de datos. Pero aínda así, apenas hai variacións, o que vén a remarcar a preocupación dos expertos. “Todos os datos mostran o quecemento rápido nas últimas décadas, e todos mostran que a última década rexistrou os anos máis calorosos”.
Segundo a NOAA (National Oceanic and Atmosphere Administration), desde 1977 véñense marcando temperaturas por riba da media do século XX, e 9 dos 10 anos máis cálidos aconteceron desde 2005, cos últimos cinco anos entre os cinco máis calorosos”. A propia NOAA expuxo o ano pasado que se cumpriron 400 meses consecutivos (desde decembro de 1984) con valores por riba da media.
