2015, 2016 e 2017, os anos máis cálidos desde que existen rexistros

A Organización Meteorolóxica Mundial (WMO), organismo dependente da ONU, e a NASA confirmaron esta semana que o 2017 foi un dos tres anos máis cálidos desde que se teñen rexistros. Os outros foron 2016 e 2015, o que confirma unha tendencia de aumento global da temperatura.

Segundo informou a WMO, baseándose nunha análise dos cinco mellores conxuntos internacionais de datos, no 2017 a temperatura media mundial superou en 1,1ºC á media da era preindustrial. O ano máis cálido foi 2016, cunha media 1,2ºC superior, mentres que 2015 tivo unhas temperaturas moi semellantes a 2017.

Publicidade

Este gráfico, elaborado pola NASA, amosa que 2016, 2015 e 2014 foron os anos cunha maior temperatura respecto á media anual de 1880 a 2015.


A propia axencia espacial estadounidense confirmou o que xa apuntaba a WMO, dicindo que “a temperatura global da superficie da Terra en 2017 é a segunda máis cálida desde 1880“, segundo os datos recollidos por científicos do Goddard Institute for Space Studies (GISS). Outra análise da National Oceanic and Atmospheric Administration (NOAA) sinala que o 2017 foi o terceiro máis cálido segundo os seus rexistros. A diferenza débese aos diferentes métodos de análise, que fan oscilar os datos entre 2015 e 2017. Con todo, non hai dúbida de que ambos foron, xunto a 2016, os máis calorosos da historia.

“A tendencia da temperatura a longo prazo é moito máis importante que a temperatura de cada ano, e esa tendencia é de alza”, sinalou o secretario xeral da WMO, Petteri Taalas. “Dos 18 anos máis calorosos dos que se teñen datos, 17 rexistráronse neste século, e o grao de quecemento nos últimos tres anos foi excepcional. A calor no Ártico foi especialmente intensa, o que terá repercusións profundas e duradeiras no nivel do mar e nas características meteorolóxicas doutras partes do mundo”, concluíu Taalas.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O cambio climático adiantará ata dous meses a tempada de risco de incendios na península

Unha investigación baseada en IA prevé que as condicións meteorolóxicas favorables á propagación do lume sexan cada vez máis frecuentes

O canto dos xibardos, entre os sons da Terra da sonda Voyager 1 da NASA

A sonda alcanza o 18 de novembro de 2026 unha distancia dun día luz e transporta no seu Disco de Ouro unha selección de sons e imaxes representativas do planeta

Que viu o telescopio Hubble o día que naciches? Descúbreo nesta ferramenta da NASA

A axencia espacial estadounidense actualiza a aplicación que permite consultar cinco imaxes en cada día do ano e compartilas en redes sociais

O aire polar provocará un descenso brusco das temperaturas dende o martes en Galicia

O descenso térmico irá acompañado de vento de mar no litoral da Coruña, onde se ditamina a alerta amarela