O Aquarium Finisterrae celebra 25 anos de vida

Co gallo do seu aniversario, o museo organiza unha xornada de portas abertas o sábado 8 de xuño, unha exposición filatélica e un concerto

5 de xuño de 1999. O Aquarium Finisterrae abre as súas portas por primeira vez para concienciar sobre o coidado dos océanos. 25 anos despois daquela data sinalada en vermello no calendario, un dos Museos Científicos Coruñeses celebra o seu aniversario cunha ampla programación de actividades. Entre elas, unha xornada de portas abertas este sábado 8 de xuño, cando tamén se conmemora o Día dos Océanos. Malia que a entrada será gratuíta, é preciso facer unha reserva previa. Amais disto, o Aquarium pon en circulación un selo oficial cunha ilustración da Sala Nautilus, organiza unha exposición filatélica sobre temas mariños entre o 5 e o 25 de xuño e celebra un concerto este sábado a cargo da Banda Municipal da Coruña e do proxecto MIP.

Ademais das actividades programadas, o Aquarium difundiu un vídeo a través das súas redes sociais facendo un repaso dos seus principais reclamos. No seu obxectivo por dar cabida aos habitantes e paisaxes da costa atlántica, o museo expón como protagonistas ás focas Deneb e Altair, as primeiras que naceron no recinto no verán de 2003. De feito, coincidindo co seu 25 aniversario, o museo remodelou a área de curación da animais mariños co obxectivo de combinar nun mesmo espazo todas as necesidades ambientas da fauna do recinto. Outro dos protagonistas do vídeo é Gastón, a quenlla touro que chegou ao Aquarium en 2006.

Publicidade

Outras efemérides

O aniversario do museo comparte data con outras dúas efemérides salientables, que foron motivo de inspiración para a creación do centro e para o desenvolvemento dos seus contidos, centrados sobre todo na conservación e educación sobre o mundo mariño. O primeiro é a celebración do Día Internacional do Medio Ambiente, que se celebra dende 1972. Este ano, ademais, está enfocado na restauración de terras, no detemento da desertificación e en fortalecer a resiliciencia á seca. Amais disto, o 5 de xuño tamén se conmemora a saída do científico Alexander von Humboldt do porto da Coruña nunha expedición para explorar América.


Podes facer a reserva previa de entradas ao Aquarium Finisterrae na seguinte ligazón.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O verán arrinca este xoves ás 22.51 horas

A estación máis longa do ano prolongarase ata as 14.44 horas do 22 de setembro

Así é o metaverso da UVigo, o máis avanzado de todo o sistema universitario español

O proxecto inclúe espazos comúns virtuais que poden empregarse como salóns de actos ou como espazos de presentación e exhibición

Bacterias, fungos, ácaros… Estes son todos os teus diminutos compañeiros de cama

Un estudo demostrou que, tras unha semana de uso, a funda da almofada pode albergar tres millóns de patóxenos por centímetro cadrado

Un Vesubio en Galicia? O supervolcán que arrasou o norte peninsular hai 475 millóns de anos

Ollo de Sapo é unha formación xeolóxica situada no concello de Monfero, que se creou a raíz dunhas erupcións colosais no período Ordovícico