A crise que atravesa o Instituto Español de Oceanografía (IEO), entidade centenaria con centros na Coruña e Vigo, e que conta con centos de científicos na súa plantilla, marcou un punto de inflexión a pasada semana coa sinatura dun acordo “in extremis”, en palabras do colectivo de investigadores que leva tempo reclamando solucións aos problemas “estruturais” do instituto. A través dun comunicado, o Ministerio de Ciencia anunciou que encargará á empresa pública Tragsatec a “prestación do servizo de operatividade da frota de buques oceanográficos do IEO, a xestión náutica do Mytilus e o apoio ás campañas que o Instituto desenvolve noutros buques oceanográficos”.
Aquí está la noticia publicada en @CienciaGob acerca del acuerdo con la empresa Tragsatec para mantener in extremis la operatividad de la flota del IEO en 2020. #enDefensaIEO https://t.co/0xQC6rTsrD
— enDefensaIEO (@enDefensaIEO) February 28, 2020
Con este acordo, informa Ciencia, “garántese en tempo récord a operatividade da frota na súa totalidade”, a só un día da extinción do contrato vixente, que acababa o pasado sábado 29. Con este procedemento cubriranse diversas prestacións que precisa a frota, entre os que están a xestión integral dos buques, o servizo loxístico e de almacén da frota, a manutención das persoas que viaxen a bordo ou o subministro de combustible.
Ao mesmo tempo, O Ministerio de Ciencia e Innovación anunciaba que “continúa impulsando as xestións necesarias para a obtención dun suplemento de crédito” para que o IEO poida “facer fronte aos compromisos relacionados coas campañas oceanográficas e os proxectos de investigación”.
Dimisión do director
A decisión desde o Executivo tómase despois da dimisión do anterior director do IEO, Eduardo Balguerías, cuxa renuncia foi admitida polo Ministerio o pasado 21 de febreiro, como consecuencia da profunda crise da organización. Agora é Rafael González-Quirós, subdirector xeral de investigación da entidade, quen dirixe o IEO en funcións ata o nomeamento dun novo titular.
Na información na que daba conta da dimisión de Balguerías, Ciencia amosábase “consciente dos problemas de xestión“, e anunciou a creación dun grupo de traballo con científicos e xestores internos e externos para elaborar, nun prazo de dous meses, un informe da situación, coa proposta de medidas necesarias para a “recuperación total do IEO”.
A crise da institución, que xa denunciaran centos de investigadores en 2018, volveu poñerse de manifesto a mediados de febreiro despois de que un novo problema burocrático levase a amarrar os buques de investigación pola dificultade para sufragar os gastos.
O bloqueo burocrático volve poñer en dificultades os oceanográficos
Coido que encargarlle a TRAGSATEC, unha encomenda para este asunto non é a solución mai axeitada. Non sei como se avaliaron as súas competencias para realizar estas actividades. O que si sei é que cando quérese externalizar unha actividade sempre se fai da mesma maneira.
Tinhan que telo sacado a concurso público en libre competencia, ou ponher cartos no IEO, para que se encargaran eles ,que son os que mais deben saber do choio
A dia de hoxe non ten sentido manter estrucucturas do franquismo, que ademais compiten co sector privado en condiciós de vantaxe