Galicia, en garda ante o primeiro aviso vermello do inverno con Helena

MeteoGalicia e a Aemet activaron xa o máximo nivel na costa occidental por ondas de ata 10 metros, ademais de fortes ventos, chuvia e neve

Esta fin de semana Galicia vivirá un inverno dos de verdade. Grandes ondas no mar, refachos de máis de 100 quilómetros por hora, fortes chuvias e acumulacións de neve nas zonas máis altas. A borrasca Helena, xa bautizada pola Aemet despois do rápido paso de Gabriel. Este mesmo xoves, debido ás fortes precipitacións, a Xunta activou xa a alerta laranxa por precipitacións acumuladas de máis de 100 l/metro cadrado en 12 horas no interior de Pontevedra. Aínda que nas últimas horas do día haberá unha breve mellora, pola noite entrará Helena desde o norte e deixará aire frío nas capas altas da atmosfera.

Haberá por tanto inestabilidade con chuvias xeneralizadas, que mesmo poderían xerar lóstregos e sarabiadas. Pero o episodio máis intenso estará no litoral entre A Guarda e Estaca de Bares, onde tanto MeteoGalicia como a Aemet activaron xa o aviso vermello por ondas que poderían acadar nalgúns puntos os 10 metros. Entre Bares e Ribadeo o aviso será de nivel laranxa. E tamén hai que ter moito ollo co vento no mar, de forza 7 a 8, que irá mudando de suroeste a noroeste.

Publicidade

20 centímetros de neve

Mais o impacto de Helena non será só na costa. En cotas relativamente baixas (800 metros) do interior de Pontevedra e o sur de Ourense poderían acumularse cinco centímetros de neve, polo que se activou o aviso laranxa nestas zonas. E na montaña de Lugo e Ourense os acumulados poderían ser de 20 centímetros durante o venres. E podería chegar a nevar a 600 metros no resto de Galicia.

O aviso laranxa activarase tamén no norte das provincias de Lugo e A Coruña por refachos superiores a 100 quilómetros por hora. E no resto das zonas de Galicia haberá nivel amarelo por ventos de ata 80 km/h.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

Un equipo da USC e da UVigo crea unha maqueta virtual interactiva para imaxinar o futuro de Galicia

O proxecto do CISPAC crea unha paisaxe alternativa vertebrada en catro eixos temáticos: a comunidade, o hábitat, a enerxía e a alimentación

A provincia da Coruña lidera as emisións galegas de gases de efecto invernadoiro cun 47,4% do total

Un informe do Observatorio Galego da Acción Climática revela o impacto das industrias enerxéticas fósiles no norte da comunidade

Un epistolario inédito revela a rede feminista entre Galicia e Cataluña de principios do século XX

As cartas autógrafas que Micaela Chao Maciñeira enviou en galego á pedagoga catalá Francesca Bonnemaison permiten recuperar unha figura clave do feminismo