Premio para o coruñés Julio Castro nos International Photo Awards

O fotógrafo coruñés Julio Castro suma un novo galardón ao seu palmarés, ao ser premiado nos International Photography Award. Este afeccionado á fotografia de paisaxe, e acreditado astrofotógrafo, obtivo o primeiro posto na categoría de fotografía panorámica coa súa serie fotográfica Paisaxes do Mundo.

Farmacéutico de profesión pero cunhas dotes incribles para a fotografía, Castro recibiu tamén recibiu unha mención especial nas categorías Panorámicas, Paisaxes e Fotografía Nocturna pola imaxe titulada A Dream Come True.

Publicidade

Desde principios do 2015 Castro compaxina o seu traballo como farmacéutico co seu maior hobbie: a fotografía. Unha afección que, segundo el mesmo recoñece na súa web, “comezou no 2014 nunha viaxe á Costa Oeste americana”, pero que dende aquela fai que acumule premios en todo o mundo.

As súas fotos foron premiadas en moitos concursos e certames fotograficos como o Trierenberg Super Circuit, Memorial Maria Luisa, Epson Pano Awards, Sony World Photography Awards, International Photography Awards, ND Photography Awards e moitos outros.

Publicidade