Unha moeda na honra de Hawking no aniversario da súa morte

Moeda conmemorativa na honra de Stephen Hawking. Fonte: Royal Mint.
Moeda conmemorativa na honra de Stephen Hawking. Fonte: Royal Mint.

Este venres cúmprese un ano da morte de Stephen Hawking, un dos científicos máis relevantes das últimas décadas. E a Royal Mint (o que vén sendo a casa da moeda británica) quixo render homenaxe ao físico cunha moeda conmemorativa de 50 peniques.

Será unha peza de colección, que non entrará en circulación, e xa está á venda no portal da institución por un prezo de 10 libras. No canto de amosar un retrato de Hawking, o deseño opta por recrear un buraco negro que abrangue toda a peza. Na parte superior aparece a fórmula xunto á fórmula da ecuación de Bekenstein-Hawking, unha representación que axudou a comprender os buracos negros.

Stephen Hawking faleceu o 14 de marzo de 2018 aos 76 anos de idade na súa casa de Cambridge (Reino Unido), segundo informou a súa familia. A teoría sobre os buracos negros deste científico cambiou a concepción que ata os anos 70 se tiña de universo. Desde hai máis de 50 anos Hawking padecía esclerose lateral amiotrófica, ELA, unha enfermidade que lle obrigou a estar en cadeira de rodas e depender dun sistema de voz computarizado para comunicarse.

O físico mantivo nos seus últimos anos unha notable vinculación con Galicia. Desde a súa visita de 2008 para recibir o premio Fonseca, regresou en máis ocasións. Estivo, por exemplo, en Cambados ou en Vigo, como escala nalgunha das súas viaxes, e teceu contactos con profesores da universidade compostelá como José Edelstein ou Jorge Mira. Ademais, unha praza no cabo Fisterra leva o seu nome.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.