Xoves 28 Marzo 2024

Este venres 15 de marzo, folga polo clima

Varias vilas e cidades de Galicia súmanse ao movemento internacional que insta a gobernos e grandes industrias a tomar medidas

A faísca prendeu en agosto de 2018 en Suecia, despois de que o país afrontara unha inaudita vaga de calor e incendios. Unha moza de 15 anos chamada Greta Thunberg apareceu diante do Parlamento do país cunha pancarta coa que chamaba á folga escolar polo clima. En protesta pola falta de accións contundentes na loita contra o cambio climático, Greta mantivo a súa protesta e comezou a acadar sona internacional. E este venres 15 de marzo, a folga polo clima farase mundial. Miles de persoas en todo o planeta están organizando actos para pedir medidas inmediatas sobre un problema que compromete o noso futuro. A propia ONU publicou esta semana un novo informe no que volve pedir que se actúe xa.

A folga polo clima en Galicia

A mobilización global, con miles de actos convocados, tamén terá eco en Galicia. Desde centros educativos e movementos sociais están previstas varias actividades. Desde O Porriño prendeu a chispa, neste caso, da man da profesora Miriam Leirós. Así, a comunidade do CEIP Antonio Palacios xa celebra paróns simbólicos cada venres para apoiar a iniciativa de Greta Thunberg, e este venres está prevista unha manifestación diante do Concello na que tomarán parte alumnos doutros centros do Porriño, como os colexios da Ribeira, Atios, Hermanos Quiroga  Fernández López ou Santo Tomás, e o IES Ribeira do Louro.

Publicidade

Tamén hai concentración prevista no CEIP da Cruz de Nigrán, segundo a información que achega a rede española da folga polo clima. E hai movementos cidadáns que tamén organizarán concentracións na Coruña, Ourense, Vigo e Ferrol.

Estas son, segundo Greenpeace, as concentracións previstas en Galicia pola folga deste venres 15:

  • A Coruña: 13:00. Concentración en Praza de María Pita. Twitter. Instagram. Facebook.
  • Ferrol. 11:00. Concentración na Praza do Cantón. 12:00 Manifestación de Praza de Amado García a Cantón.
  • Ourense. 11:00. Manifestación desde o Campus As Lagoas ata a Praza Maior.  Facebook.
  • O Porriño (Pontevedra). 12:00, diante do Concello.
  • Vigo (Pontevedra). 12:00, diante do Concello.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.