Nas últimas horas as chuvias torrenciais están provocando inundacións en varios puntos de Galicia. A chegada da borrasca Aline está descargando precipitacións superiores aos 15l/m² por hora e nalgúns momentos, acompañadas de treboadas. Os fortes ventos do oeste e do suroeste manteñen activada a alerta laranxa en zonas altas do interior e pola tarde deste xoves no litoral. Tralo paso da borrasca Babet, Aline está traendo precipitacións xeneralizadas e as temperaturas atópanse en situación de descenso.
Despois dos récords de calor acadados en outono, a chuvia que faltou as dúas primeiras semanas de outubro está chegando de golpe. E este é o resultado:
Nalgunhas zonas de Santiago, os coches quedaron atrapados polas inundacións. Por exemplo, vese claramente no seguinte vídeo do casco vello, compartido por Social Drive nas súas redes sociais.
Noutras zonas da cidade, directamente, os coches non se puideron mover e quedaron atrapados no medio da carreteira. A auga cubría a metade do vehículo cos seus conductores dentro.
Pero non todas son imaxes da borrasca Aline teñen esta tónica. Mentres tanto, unha fermosa calma impregnaba esta mañá á praia da Frouxeira, en Valdoviño (Ferrol). As ondadas impulsadas polo vento impactaban fortes nas rochas, e durante un anaco, a chuvia deu tregua, e Sara Avilés puido capturar este momento.
Que tal substituír “carreteiras” por estradas?