Os diferentes tipos de ilusión óptica que circulan a través das redes non deixan de fascinar a medio mundo. Despois dalgunhas das creacións de expertos neste eido como Akiyoshi Kitaoka ou a galega Susana Martínez Conde, autora dalgunhas das creacións máis abraiantes deste tipo, algunhas delas escollidas entre as tres mellores do 2018, ou a máis recente na que se recrea o movimento da obra A noite estrelada de Van Gogh, chega unha nova imaxe que está xerando gran interese.
A neurocientífica Alice Proverbio compartiu a ilustración dunha bóla que parece moverse sobre un fondo en forma de funil dobre. Porén, a imaxe está realmente fixa. Despois de que a científica difundira a imaxe nas redes sociais, comezaron a circular ilusións ópticas semellantes que tamén parecían estar en movemento. O debuxante Beau Deeley deu a coñecer estas ilustracións, que ofrecen o mesmo efecto.
Pois eu non vexo que se mova nada.