Por máis que miramos para o que conseguiu facer Vincent Van Gogh nos seus cadros, seguimos ficando coa boca aberta. En 1899, mentres estaba recluído nun sanatorio en Saint-Rémy-de-Provence, asolado polos seus problemas psiquiátricos, o artista holandés creou unha das súas pinturas máis recordadas, A Noite estrelada. O ceo parece moverse entre remuíños que conforman as estrelas, a Lúa e Venus, no que é unha das obras mestras do postimpresionismo.
A fixación de Van Gogh polos remuíños nesta última etapa da súa vida, que conseguiu trasladar aos cadros grazas ao useo de óleo húmido e pinceis finos, permitiu xerar un curioso fenómeno que está percorrendo estes días as redes sociais.
Unha mensaxe en Twitter acompaña o cadro de Van Gogh cunha espiral branca e negra que xira sen parar. As instrucións son claras. Mirar durante 10 segundos a espiral en movemento, e logo pousar a vista sobre A Noite Estrelada. A vista, habituada a ver xirar o remuíño, transforma mediante unha ilusión óptica a obra nun cadro en movemento. Paga a pena comprobalo.
Stare at the white dot for 10 seconds, then look at Van Gogh’s Starry Night below. pic.twitter.com/esO4Ky5wDV
— Universal-Sci (@universal_sci) 17 de noviembre de 2018
