Lavar as mans é importante. Realmente importante. Pero, como podemos amosalo visualmente para que o comprendan os nenos? A cuestión é que hai un experimento sinxelo para facelo. A mestra Dayna Robertson, dunha escola primaria de Idaho (EUA), fíxose viral recentemente nas redes sociais usando na súa clase simplemente un pouco de pan de molde.
Robertson levou a cabo esta clásica actividade na aula cos seus estudantes: conseguiron que os nenos con varios niveis de limpeza de mans tocasen pedazos de pan branco que se tomaron da mesma barra o mesmo día. Logo, selaron o pan en bolsas de plástico individuais para ver que pasaría un mes despois. “Tomamos pan fresco e tocámolo”, explica a profesora nunha publicación viral de Facebook que ata o de agora se compartiu unhas 65.000 veces.
“Deixamos unha porción de pan de molde sen tocar. Outra, coas mans sen lavar. Unha con desinfectante para mans. Unha coas mans lavadas con auga e xabón. Logo decidimos fregar unha peza en todos os ordenadores da nosa clase”. A este último anaco de pan non lle foi ben. Tampouco, ao resto, agás a bolsa do que lavou as mans con auga e xabón e, por suposto, a porción de ‘control’.
As outras torradas estaban cubertas de mofo, mentres que o desinfectante de mans en si mesmo non pode substituír o lavado de mans adecuado.
Este é un experimento clásico en moitas aulas en todo o mundo. E amosa a importancia de lavar as mans, tamén para evitar contaxios nesta época do ano: a gripe atopa nas mans o mellor vehículo para propagarse.
