A Estación Espacial Internacional fará este sábado 26 de xaneiro dous pases sobre Galicia que serán visibles polos ceos despexados e pola súa magnitude aparente, que será de -3,8 no caso das 19.13 horas.
O xigante orbital aparecerá esta noite en dúas ocasións: ás 19.13 e ás 20.50 horas. Tamén será visible nos vindeiros días, como amosa a táboa que podes consultar abaixo aínda que a nubosidade poida impedir a súa visión.
A ISS aparece como un pequeno punto branco que se move polo ceo a grande velocidade, xa que esta nave orbita arredor da Terra a uns 400 quilómetros de altura, a unha velocidade de 28.000 quilómetros por hora (preto de 8 km/s).
A Estación Espacial está a cruzar o ceo continuamente, ás veces gravando o territorio de Galicia. Tamén tomando retratos do país dende a órbita da Terra. Pero non sempre é visible, xa que iso depende de diversos factores, entre eles a nubosidade. Tamén depende da latitude na que orbite en cada xornada.
Para observala en boas condicións, cómpre afastarse da contaminación lumínica das cidades e situarse en lugares elevados onde haxa un bo campo de visión.
Podes consultar os próximos pasos da Estación Espacial Internacional sobre a túa localidade na web de Estación Espacial.