A Estación Espacial Internacional será o espectáculo no ceo nocturno para esta noite de sábado. O pase está previsto para as 22.49 horas.
A tripulación do maior laboratorio orbital construido polo ser humano está formada por seis astronautas, cinco homes e unha muller.
A ISS aparece como un pequeno punto branco que se move polo ceo a grande velocidade, xa que esta nave orbita arredor da Terra a uns 400 quilómetros de altura, a unha velocidade de 28.000 quilómetros por hora (preto de 8 km/s).
A Estación Espacial está a cruzar o ceo continuamente, ás veces gravando o territorio de Galicia. Tamén tomando retratos do país dende a órbita da Terra. Pero non sempre é visible, xa que iso depende de diversos factores, entre eles a nubosidade. Tamén depende da latitude na que orbite en cada xornada.
Para observala en boas condicións, cómpre afastarse da contaminación lumínica das cidades e situarse en lugares elevados onde haxa un bo campo de visión.
