A pandemia 15 meses despois: así comeza xuño, outro mes clave na vacinación

Comeza xuño de 2021 e cúmprense 15 meses desde que, a comezos de marzo de 2020, boa parte do mundo se paralizase pola propagación do coronavirus SARS-CoV-2. 15 meses para a historia que, dun tempo para aquí, avanzan un futuro máis optimista polo avance das campañas de vacinación nalgúns países. Á espera dun reparto máis equitativo que permita a inmunización na meirande parte do planeta, áreas como Europa achéganse a un verán que, probablemente non será igual có de 2019, pero achegarase máis á ‘normalidade’ có de 2020.

No caso de Galicia, en termos xerais, todos os indicadores principais amosan un descenso lento, pero constante, desde a lixeira repunta de finais de abril e comezos de maio que, finalmente, non causou a pregoada cuarta onda. Tanto os datos referentes á transmisión do virus como, por outra banda, o efecto da vacinación dunha parte da poboación, comezan a evidenciar que a contención da pandemia se achega cada vez máis. Así está, por exemplo, a incidencia acumulada desde xullo de 2020:

Publicidade

Os novos que se detectan diariamente oscilan entre os 150 e os 200. Con todo, o perfil das persoas afectadas está mudando por mor da vacinación. Segundo o informe semanal do Ministerio de Sanidad, no que se abordan os indicadores de seguimento da Covid-19, cos datos do mércores 26 de maio a incidencia nas persoas maiores de 65 anos era de 26 casos/100.000 habitantes a 14 días (74 no conxunto da poboación) e e 13,2 a 7 días (35,3 en xeral).

Casos máis graves: hospitais e mortes

No referente aos casos máis graves, albíscase tamén un descenso progresivo do número de hospitalizacións e falecementos. Desde finais de agosto de 2020 non había tan poucas persoas ingresadas nas UCIs e no resto de unidades de hospitalización como nos últimos días. A cifra actual está na contorna das 100:

En canto aos falecementos, maio finalizou con 29 mortes, sendo o mes con menos óbitos por Covid-19 desde agosto de 2020. Cómpre lembrar, con todo, que a incidencia durante aquel mes era notablemente menor (agosto comezou con menos de 10 casos/100.000 habitantes nos 14 días anteriores), e os falecementos só se comezaron a producir a partir da segunda semana do mes. Así foi a tendencia desde marzo de 2020:

186 concellos sen casos na última semana

A menor transmisión do SARS-CoV-2 sitúa así a 145 concellos, dos 313 que hai en Galicia, sen casos desde hai canto menos dúas semanas. E no período da última semana, xa son 186 os que non rexistraron ningunha infección. Pola contra, só 19 (sete deles, as cidades) rexistran 10 ou máis casos nos últimos sete días. A cifra sobe a 34 concellos ao mirar os últimos 14 días.

En canto á incidencia, o de Mos (actualmente en nivel máximo de restricións xunto a Mos e A Pobra do Caramiñal) é o único concello que supera os 500 casos por 100.000 habitantes nos últimos 14 días. No rango que vai de 250 a 500 están, ademais da Pobra, Oroso, Xove, Mos e Viveiro, ademais doutros municipios de menor poboación como Corcubión, Lousame, Cenlle ou o propio Lobios, onde o baixo número de habitantes fai incrementar a incidencia cando xorde un pequeno agrupamento de casos.

Aquí podes consultar máis detalles sobre a situación municipal da Covid-19:

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

Un equipo da USC e da UVigo crea unha maqueta virtual interactiva para imaxinar o futuro de Galicia

O proxecto do CISPAC crea unha paisaxe alternativa vertebrada en catro eixos temáticos: a comunidade, o hábitat, a enerxía e a alimentación

A provincia da Coruña lidera as emisións galegas de gases de efecto invernadoiro cun 47,4% do total

Un informe do Observatorio Galego da Acción Climática revela o impacto das industrias enerxéticas fósiles no norte da comunidade

Un epistolario inédito revela a rede feminista entre Galicia e Cataluña de principios do século XX

As cartas autógrafas que Micaela Chao Maciñeira enviou en galego á pedagoga catalá Francesca Bonnemaison permiten recuperar unha figura clave do feminismo