O microsite ControlG prestará atención ás noticias sobre as novas xeracións de telecomunicacións.
O microsite ControlG prestará atención ás noticias sobre as novas xeracións de telecomunicacións.

GCiencia aposta pola tecnoloxía co relanzamento de Control G en colaboración con atlanTTic

O site prestará atención ás novidades en Internet, dispositivos móbiles, TICs, videoxogos, gadgets e redes sociais

Co obxectivo de incrementar a aposta pola divulgación arredor do mundo da tecnoloxía e as telecomunicacións, GCiencia relanza o microsite ControlG, creado no 2015. Agora, en colaboración con atlanTTic, o Centro de Investigación en Tecnoloxías de Telecomunicación da Universidade de Vigo, este portal achegarase a un hipersector de crecente importancia na economía e que, no caso de Galicia, da acubillo a un importante número de empresas, creadores e centros de investigación.

Así, ControlG nutrirase con informacións, reportaxes e entrevistas relacionados cun mundo que no ano 2020, marcado pola pandemia da Covid-19, medrou un 1,9% en Galicia ata chegar aos 19.343 traballadores, segundo se desprende dunha enquisa realizada polo  Observatorio da Sociedade da Información e da Modernización de Galicia. A nova realidade derivada da pandemia está a reforzar a aposta do tecido investigador e empresarial pola nova xeración das telecomunicacións. Así se deriva da enquisa anteriormente citada, que constata o aumento do emprego nas empresas de actividades informáticas nun 5,9% respecto a 2019. No subsector das telecomunicacións, o crecemento foi do 1,9% ata un total de 3.300 traballadores.

Os contidos de Control G, unha sección claramente diferenciada do resto de GCiencia, serán elaborados polo equipo de xornalistas que colaboran habitualmente co portal da ciencia galega. Co obxectivo de dar a coñecer o traballo desenvolvido desde atlanTTic, Control G informará sobre a actividade do centro tecnolóxico e consultará cos seus expertos para analizar as informacións máis destacadas no campo da tecnoloxía das telecomunicacións. GCiencia convocará, ademais, eventos abertos en streaming patrocinados por atlanTTic que tratarán asuntos como o 5G, a ciberseguridade e a sociedade da información.

O centro atlanTTic, ubicado no campus vigués, desenvolve a súa actividade científica nos campos da privacidade e seguridade, tecnoloxías multimedia, redes e servizos de datos, bioenxeñaría, radar, comunicacións por satélite e, en xeral, comunicacións radiofónicas e ópticas. Conta con máis de 170 profesionais, realiza actividades intensivas de investigación e transferencia, e participa en varios proxectos H2020, sendo recoñecido con varios premios e recoñecementos polo seu labor. Varios dos seus investigadores tamén son membros distinguidos dalgunhas das academias e sociedades científicas e profesionais máis recoñecidas.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.