Hai 36.711 persoas que se chaman María en Galicia, cunha idade media de 57,4 anos. E outras 65.083 levan o de Manuel, cunha media de 62,2 anos. Eses son os dous nomes máis comúns en Galicia. E si, é probable que tamén o sexan no teu concello. Para axudarche a averiguar cal é o patronímico máis común no teu municipio, elaboramos dous mapas cos datos de 2023 —últimos dispoñibles— do Instituto Galego de Estatística (INE). O correspondente aos nomes femininos e máis heteroxéneo que o dos masculinos.
En la relación aos de muller, o nome máis frecuente en Galicia é María, seguida de María del Carmen (29.015), Carmen (26.948), María Carmen (18.710) e Ana María (16.476). As posicións non varían entre provincias, dado que María é o nome máis común na Coruña, Lugo, Ourense e Pontevedra. As variacións no mapa débense, sobre todo, ás diferentes formas de escribir un mesmo nome. Así, hai máis María del Carmen rexistradas, pero tamén María Carmen, M. Carmen e M. del Carmen.
Ademais, danse casos en varios concellos —máis frecuente en mulleres que en homes— nos que hai dous nomes, e ata tres, co mesmo número de persoas. En Fornelos de Montes, por exemplo, hai 30 persoas que se chaman María del Carmen e outras 30, María. No Bolo hai 12 mulleres que levan o nome de Manuela e outras 12 o de Dolores. Ou en Maside, con 32 Rosa e outras 32 Carmen.
Hai outros casos de concellos que difiren da maioría, con nomes que, aínda sendo comúns, non ostentan o podio galego. É o caso de Láncara, cunha maioría de mulleres chamadas Pilar. En Larouco, Isabel. Ou en Paradela, Sara. Salienta o caso de Negueira de Muñiz, onde o IGE non facilita ningún nome de muller. Débese a que só mostran aqueles que teñen unha frecuencia superior aos cinco habitantes.
En relación aos nomes masculinos hai un claro gañador: Manuel. Ests seguido, de lonxe, por José. Salientan os patróns que se debuxan no mapa, cun predominio incuestionable do primeiro nome nas provincias da Coruña e Pontevedra, mentres que o norte de Lugo é case exclusivo —agás a Mariña— de José. Os outros patronímicos que aparecen no mapa con Antonio, José Manuel e un único caso de José Ramón no municipio lugués de Alfoz. En Larouco, como acontece noutras localidades cos nomes femininos, Manuel e José ostentan un podio compartido.
E ti? Tes algún dos nomes máis comúns de Galicia? Coinciden co máis frecuente no teu concello?
