Únete á nosa canle de Whatsapp
É posible vivir de ser ‘youtuber‘? Segundo algúns medios, estes creadores da canle de mundial de vídeos gañan auténticas fortunas cada vez que suben unha nova gravación, vistas por millóns de persoas. Pero a realidade semella ser outra. Porque Wismichu, identidade dixital do galego Ismael Prego (A Coruña, 1993) vén de publicar canto cobra por un vídeo: uns 90 euros por unha peza que supera os dous millóns de reproducións.
Nunha serie de mensaxes en Twitter, Wismichu lamenta que os ingresos que percibe de Youtube a cambio de visualizacións reducíronse nos últimos tempos ata menos do 10 por cento. Ata hai pouco, un vídeo con 2 millóns de visitas podía reportarlle máis de mil euros, cifra que agora baixa ata os 100 dólares. “Depende do mes, pero con 2 millóns adoitaba rondar os 1.000 pavos“, quéixase o youtuber galego, un dos máis seguidos.
Depende del mes, pero con 2 millones solían rondar los 1000 pavos. https://t.co/CliQCDpgoF
— Wismichu (@Wismichu) 27 de mayo de 2017
A clave deste descenso nos ingresos dos ‘youtubers‘ podería atoparse nun cambio no algoritmo de Youtube, que penaliza aqueles audiosivuais que empregan o que consideran unha linguaxe inapropiada. De feito, a canle pertencente a Google comezou a limitar as alertas para algúns contidos dos máis coñecidos ‘youtubers’, o que provocou tamén queixas doutro creador: El Rubius.
Os principais ingresos dos ‘youtubers’ están en realidade relacionados con marcas comerciais que patrocinan os seus contidos ou a súa aparición en publicidade, mentres caen os ingresos que reciben da canle Youtube.
En unos días voy a Madrid, si os aparece una mierda en las puertas de las oficinas que sepáis que he sido yo, @YouTubeEspanol. pic.twitter.com/wbppbTJyOo
— Wismichu (@Wismichu) 27 de mayo de 2017
