O neurocirurxián Antonio García Pravos é o director de Clínica Gaias.
O neurocirurxián Antonio García Pravos é o director de Clínica Gaias.

Un medicamento contra a artrite ensaiado en Galicia será distribuído nos Estados Unidos

O Sarilumab, un fármaco inxectable contra a artrite reumatoide co que se fixeron ensaios en Galicia, foi aprobado nesta semana para US Food and Drug Administration para ser comercializado nos Estados Unidos. Na investigación participaron pacientes e investigadores de Clínicas Gaias, unha empresa médica con sete clínicas en Galicia.

Desde hai anos, o equipo médico da empresa realiza ensaios con 18 novas moléculas para combater diferentes tipos de artrites e artroses. “A mellor noticia é que os pacientes que tratamos en Galicia experimentaron significativas mellorías clínicas co Sarilumab. Os medicamentos existentes ata agora, incluídos os biolóxicos de última xeración, non amosaban tanta eficacia”, explica o doutor Juan García Meijide, reumatólogo e investigador principal do  estudo, que se realizou no centro médico que a empresa ten en Santiago de Compostela.

O Sarilumab é un tratamento biolóxico que utiliza un anticorpo cun mecanismo de acción que pode xogar un importante papel nos procesos inflamatorios. Nos Estados Unidos será distribuído co nome de Kezvara, por parte da farmacéutica Sanofi, que xa prepara a súa comercialización na UE nos vindeiros meses.

A artrite reumatoide é unha doenza que afecta ás articulacións e causa dor, inchazón, rixidez e dano articular, cunha importante perda funcional, de calidade de vida e benestar.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.