Venres 29 Marzo 2024

Vigo e A Coruña estrean este venres a rede 5G en Galicia

A compañía Vodafone anuncia o lanzamento da primeira rede comercial en España en 15 cidades, cunha velocidade ata 10 veces máis rápida que a 4G

Será preciso dispoñer dun dos dispositivos (poucos, por agora), que ofrecen a posibilidade de conectarse á rede 5G. Pero quen os teña, e teña contratadas as tarifas Ilimitadas de Vodafone, poderá ser este venres unha das primeiras persoas en gozar da primeira rede comercial da que está chamada a marcar unha nova fronteira no mundo das telecomunicacións. A operadora telefónica anunciou este luns que A Coruña e Vigo están entre as 15 cidades do territorio estatal nas que entrará este venres en servizo a 5G.

Nun primeiro momento, a cobertura da rede 5G en Vigo e a Coruña incluirá as zonas céntricas das dúas cidades, chegando, segundo expón Vodafone, “a máis do 60% da poboación“. Estes nodos acesos nas cidades engádense aos xa instalados en Tui, onde o pasado 22 de maio se realizou, desde Valença do Minho, a primeira chamada 5G transfronteiriza en mobilidade do mundo.

Publicidade

Galicia e a rede 5G

As prestacións da rede 5G, no centro do debate polo conflito entre Estados Unidos e Huawei, multiplicarán a velocidade de conexión actual. Reducirase en gran medida a latencia (tempo que pasa desde a petición ata a recepción de información), e incrementará exponencialmente o número de obxectos conectados á rede, posibilitando o desenvolvemento de novos servizos multimedia e aplicacións con conexións ultrarrápidas, como é o caso de coches autónomos, a telemedicina ou a realidade virtual. Do mesmo xeito, permitirá o desenvolvemento das chamadas ‘cidades intelixentes’, con melloras nos servizos públicos de transporte, emerxencias ou enerxía, así como os novos modelos empresariais vinculados ao “Internet das cousas”.

A investigación en Galicia traballa desde hai tempo para estar en boa posición de saída cara ao desenvolvemento desta rede. Así, desde o mes de setembro, Vigo será a segunda universidade española en ter un título propio en 5G, nun título vinculado á Escola de Enxeñaría de Telecomunicación. Do mesmo xeito, desde o atlanTTic, varios investigadores do campus vigués traballan en proxectos internacionais sobre esta tecnoloxía.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.