Os drones, futuros aliados para a viticultura

Investigadores do Departamento de Botánica do Campus Terra da USC impulsan o uso da robótica no viñedo español para optimizar a súa competitividade e sustentabilidade. A actividade enmárcase no proxecto estatal ‘Aplicacións e uso de robótica no manexo do viñedo’ (Robodronvi), do que forman parte 16 socios. O Ministerio de Agricultura, Pesca, Alimentación e Medio Ambiente (Mapama) financia este traballo, no marco do Programa Nacional de Desenvolvemento Rural e en relación á Asociación Europea para a Innovación en materia de produtividade e sustentabilidade agrícola (AEI-AGRI).

Robodronvi nace co obxectivo de impulsar a aplicación da robótica (aérea e terrestre) como ferramenta que facilite a toma de decisións operativas nas explotacións vitícolas por parte de viticultores e técnicos. Ademais, con iso preténdese mellorar a competitividade, rendibilidade e sustentabilidade do sector vitivinícola español.

Publicidade

Poderán facilitar a toma de decisións dos viticultores e técnicos

Como resultado deste proxecto, poderanse minimizar os inconvenientes que presenta actualmente o uso destes prototipos de robots para uso terrestre e aéreo en viñedo, entre os que se poden citar a súa escasa flexibilidade, eficiencia e robustez, ademais do seu alto custo operativo. Outros aspectos que busca o proxecto é avaliar a adaptación real destes sistemas robotizados ao viñedo nacional con distintos sistemas de cultivo, así como minimizar o seu impacto ambiental, mellorar a calidade e a sanidade da vendima, e incrementar a rendibilidade da produción nos viñedos nos que se implementen.

O traballo xa desenvolvido ao longo deste ano polo grupo Robodronvi, un consorcio subvencionado polo Ministerio de Agricultura, Pesca, Alimentación e Medio Ambiente (Mapama) e polo Fondo Europeo Agrícola de Desenvolvemento Rural (Feader), rematará en novembro de 2017. Esta iniciativa finalizará cun proxecto de innovación para facilitar a incorporación destas tecnoloxías altamente innovadoras ao sector vitícola nacional.

A empresa Robotnik Automation coordina o consorcio, no que participan catro adegas de distintas rexións de España, entre as que está Adegas Terras Gauda. Tamén participan, entre outros, investigadores do grupo de Viticultura da Misión Biolóxica de Galicia-CSIC.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

Un equipo da USC e da UVigo crea unha maqueta virtual interactiva para imaxinar o futuro de Galicia

O proxecto do CISPAC crea unha paisaxe alternativa vertebrada en catro eixos temáticos: a comunidade, o hábitat, a enerxía e a alimentación

A provincia da Coruña lidera as emisións galegas de gases de efecto invernadoiro cun 47,4% do total

Un informe do Observatorio Galego da Acción Climática revela o impacto das industrias enerxéticas fósiles no norte da comunidade

Un epistolario inédito revela a rede feminista entre Galicia e Cataluña de principios do século XX

As cartas autógrafas que Micaela Chao Maciñeira enviou en galego á pedagoga catalá Francesca Bonnemaison permiten recuperar unha figura clave do feminismo